"Богд Зонхова" төслийн талаар Соёлын дэд сайд М.Батбаяр мэдээлэл өгөв. Тэрбээр 2020 оны арваннэгдүгээр сард улсын төсвийг хэлэлцэх үед "Богд зонхова" төслийг Соёлын яамнаас оруулаагүй. УИХ-аар хэлэлцэх шатанд гишүүдийн бүрэн эрхийн хүрээнд "Богд зонхова" төслийг хэрэгжүүлэх санал орж ирсэн. Ингэснээр Соёлын яамны 2021 оны төсөвт нэмж суулгасан. Уг төслийн өртгийг 5.5 тэрбум, 2021 оны санхүүжилт 1.5 тэрбум төгрөгөөр суусан. Ингэснээр Монгол Улсын төсвийн тухай хуульд заасны дагуу Соёлын яам түүх шашин соёлын "Богд зонхова" төслийн барилга угсралтын ажлыг эхлүүлэх үүрэг хүлээсэн. Энэ хүрээнд хөрөнгө оруулалтын төсөв, эдийн засгийн тооцоолол, зураг төсөл хуульд заасан бусад зөвшөөрлийг бүрдүүлэх шаардлагатай болсон. Соёлын яам энэ төслийг анхнаасаа төсөвт суулгаагүй байсан учраас 5.5 тэрбумыг яаж тооцсоныг мэдэхгүй. Иймд төсөвт суулгасан барилгын зураг төсөл байгаагүй байсан учир барилгын тухай хуульд нийцүүлэх шаардлагатай болсон. Энэ бүхэн ганцхан соёлын яамны оролцоотой хийгддэг зүйл биш. "Богд зонхова" төсөлд төсвөөс нэг ч төгрөг гараагүй, гэрээ хийгээгүй гэдгийг хариуцлагатайгаар хэлье. Тендер зарлаагүй" гэлээ.
19°C
Сэтгэгдэл (11)