“Төсвийн мөнгө уйлдаггүй”-г Ковид-19 цар тахлын үеийн төсвийн зарцуулалтаас тодоос тод харагдана. Импортоор нэг ширхэг нь 1500 төгрөгөөр орж ирсэн амны хаалтыг 20000 төгрөг болгож өндөр үнээр худалдан авсан ЭМЯ-ны дараагийн нэг худалдан авалт авто машин. Nissan Patrol маркын авто машиныг 119 сая төгрөгөөр буюу өмнөх онд авч байсан үнээс 35 сая төгрөгөөр илүү ханшаар 8 ширхэгийг худалдан авч харьяа байгууллагууддаа нийлүүлжээ. Тодруулбал, 2019 онд 84 саяар авч байсан Nissan Patrol маркийн авто машиныг 2020 онд 119 сая төгрөгөөр буюу 35 сая төгрөгийн нэмэгдэлтэй үнээр 8 ширхэгийг худалдан авч харьяа байгууллагуудад нийлүүлсэн байна. Ковид-19 цар тахалтай тэмцэх, урьдчилан сэргийлэх ажлын хүрээнд төсөвт үрэлгэн хандаж, өндөр үнээр санал болгосон бүхнийг худалдан авсан нь худалдан авалт бүрийн цаана ашиг сонирхол нуугдаж байгаа гэх хардлага төрүүлж байна.
ЭМЯ-ны 2020 оны шилэн дансны мэдээлэлд Nissan Patrol маркийн авто машин худалдан авсан тухай баримт ороогүй байна.
-15°C
Сэтгэгдэл (13)