2022/01/16
USD 2,811

“Омикрон" вирусын тархалт өндөр 11 улсаас ирсэн иргэдийг тусгаарлана

О.Шүрэнцэцэг
2021/12/08

Коронавируст халдварын шинэ хувилбар болох “Омикрон” вирус нийгэмд нь тархсан, хяналтгүй алдсан дараах улс орнуудаас ирж байгаа гадаадын иргэдийг нэвтрүүлэхгүй, өөрийн улсын иргэдийг 10 хоног тусгаарлах шийдвэрийг УОК-оос гарган мөрдүүлж байгаа.

Үүнд: Өмнөд Африкийн Бүгд Найрамдах Улс, Ботсвана, Эсватини, Лесото, Намиби, Замби, Ангол, Малави, Мозамбик, Зимбабве, Нигер улс багтаж байна.

Харин бусад улс орнуудаас ирж байгаа иргэдээс түргэвчилсэн болон ПГУ-ын шинжилгээ авч, хариу нь сөрөг гарсан тохиолдолд бүртгэлжүүлж, гэрийн тусгаарлалтанд байхыг сануулан, халдвар хамгааллын дэглэмийг мөрдүүлэн ажиллаж байна.

Нэмэлт мэдээлэл хүргэхэд иргэд оршин суух болон гэрийн хаягаа буруу бичсэн, хаягийн тодотгол хийхэд тухайн хаягтаа байгаагүй зэрэг зөрчил нийтлэг илэрч байна. Иймд иргэд тухайн асуумжийн дагуу мэдээллээ үнэн зөвөөр хариулж, оршин суух газар болон гэрийнхээ хаягийг тодорхой бичихийг анхааруулж байна.

Хэрэв буруу бичсэн тохиолдолд Эрүүгийн тухай хууль болон Зөрчлийн тухай хуулиар хариуцлага хүлээлгэх заалттайг сануулж байна.

Цаашид цаг хугацаа, нөхцөл байдлаас шалтгаалан улс орнуудын жагсаалтад өөрчлөлт орох бол албан мэдээллийг тухай бүрт хүргэх болно.

УОК-ЫН НЭГДСЭН ШУУРХАЙ ШТАБ


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2001:268:9010:7f3d:55ae:a093:a9ce:b82
Japand ilersen teheer tusgaarlana gesen uguu
Хариулах
64.119.27.46
Нөгөө аргаараа мөнгө хийж байна даа
Хариулах
64.119.31.162
Омикрон илэрсэн ч гэсэн гэрт нь тулгаарлаж болношдээ. Төсөв мөнгө хэцүү байхад. Тэгээд ч харьцангуй хүндрэл бага халдвар гэж нотлогдоод байна.
Хариулах
192.82.88.202
Манай Улсад..Дээлтэй вирусс..биш ОМИКРОН бүртгэгдсэн шүү..Нуухгүй Ард түмэндээ Зарлаач.!!!
Хариулах
139.5.216.47
Одоо олон оронд бүртгэгдсээн. Орос Солонгос гээд ойрын орнуудад.
Хариулах