Л.Оюун-Эрдэнэ: Авлига, албан тушаалын хэргээр шүүхээс ял авсан хүнийг төрд дахин ажиллуулахгүй

О.Шүрэнцэцэг
2021/12/08

Авлигын эсрэг үндэсний чуулганд Ерөнхий сайд Л.Оюун-Эрдэнэ оролцож, үг хэллээ. НҮБ-ын Ерөнхий Ассамблей жил бүрийн арванхоёрдугаар сарын 9-нийг Олон улсын авлигын эсрэг өдөр болгон тэмдэглэхээр зарласан. Энэ жилийн хувьд эл өдрийг дэлхий нийтээр “Таны эрх-Таны оролцоо; Авлигад үгүй гэж хэлье” уриан дор тэмдэглэн өнгөрүүлж байна.

Манай улсын хувьд авлигын төсөөллийн индексээр сүүлийн хоёр жилд 35 оноо авч, дэлхийд 111-т эрэмбэлэгдэж байгаа нь туйлын хангалтгүй үзүүлэлт гэдгийг Ерөнхий сайд Л.Оюун-Эрдэнэ онцлоод авлига, төрийн хүнд суртал хөгжлийг боомилогч үндсэн хүчин зүйл болоод байна гэлээ. Мөн тэрбээр “Авлига, хүнд суртал иргэдэд үйлчлэх учиртай төрийн гол чиг үүргийг хөсөрдүүлж, эдийн засгийн цусны эргэлтийг гацааж, гадаад дотоодын хөрөнгө оруулалтыг үргээж, төрд итгэх иргэдийн итгэлийг алдагдуулж байна. Авлигатай хийх бидний тэмцэл зөвхөн авлига, албан тушаалын гэмт хэрэгтнүүдээр хязгаарлагдахгүй, харин түүнийг ургуулж буй хөрс суурь, нөхцөлдүүлэгч хүчин зүйлсийг устгахад чиглэнэ. Тиймээс

авлига, албан тушаалын хэргийн ялын бодлогыг чангатгаж, энэ төрлийн гэмт хэрэгт холбогдож, шүүхээр шийтгэгдсэн албан тушаалтнуудыг цаашид төрд ажиллуулахгүй байх эрхзүйн зохицуулалт хийнэ. Мөн төрийн албан хаагчдын орлогоосоо давсан тансаг хэрэглээнд хяналт тавина. Хөрөнгө орлогын мэдүүлгийг татвар төлөлттэй уялдуулан шинэчлэх ёстой” хэмээсэн юм.

Авлигын гэмт хэргийг илрүүлэх, мөрдөн шалгах ажиллагааны чанар сайжирч, нийт шалгасан хэргийн тоо жил ирэх тусам нэмэгдэж буйг АТГ-ын дарга, тэргүүн комиссар З.Дашдаваа хэлж байлаа. Тухайлбал 2007-2016 онд жилд дунджаар 200 орчим хэрэг шалгаж байсан бол сүүлийн гурван жилд энэ тоо 1300 хүрч даруй 6.5 дахин өссөн байна. Шүүхээр эцэслэн шийдвэрлэсэн хэргийн тоо болон хохирол нөхөн төлүүлэх байдалд ч мөн эрс өөрчлөлт гарчээ. Тодруулбал 2019 онд 11.3, 2020 онд 35.6, 2021 онд 96.2 тэрбум төгрөгийн хохирлыг нөхөн төлүүлээд байна.

Гэсэн хэдий ч авлигатай тэмцэх ажлыг улам эрчимжүүлэх шаардлагатайг олон улсын болон дотоодын судалгааны дүн харуулсаар байгаа юм. Авлигын индексийг бууруулахад иргэн, төр, иргэний нийгэм, хувийн хэвшил болон бусад байгууллагуудын идэвх оролцоо, дэмжлэг, хамтын ажиллагаа зайлшгүй шаардлагатайг албаныхан хэлж байлаа. Энэ хүрээнд Шүгэл үлээгчийн эрх зүйн байдлын тухай хууль, Төрийн болон орон нутгийн өмчөөр бараа, ажил үйлчилгээ худалдан авах тухай, Улс төрийн намын тухай зэрэг хуульд өөрчлөлт оруулахаар болсныг Ерөнхий сайд энэ үеэр онцлоод 2024 он гэхэд бизнес эрхлэхэд төрийн байгууллагаас шаарддаг 1000 гаруй зөвшөөрөл, техникийн нөхцөл, гарын үсэг, гэрээний тоог 50 хувиар бууруулан, хүний хүчин зүйлийг багасгаж, И-Монгол системээс авдаг болохоор ажиллаж байгааг хэллээ. Одоо төрийн үйлчилгээний нэгдсэн И-Монгол системээс 512 төрлийн үйлчилгээ авч байгаа юм.


0
angry
0
care
0
haha
0
liked
0
love
0
sad
0
wow

Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.117
2021/12/09
0
0
Хүрэлсүхээ уг нь ЕС бол чиний л ажил байсан юмсан хэрэгтэй үед байх ёстой газараа байж байхгүй дээ. Наад нэг ажилдаа сэтгэл гаргадагүй залхуу хүнд сурталтай авилгал хардаг яам агентлаг газар хэлтэсийн дарга нар ажилд жинхэнээсээ чөдөр тушаа болж бна .Халж солих гэхээр бас нэг өрөөсөн дугуйн орж ирнэ тэгээд ч хугцаа алдана Оюунэрдэнэ чинь угаасаа хүчин чадал нь мөхөсдөж бна. Одоо хичнээн сайхан мөрөөдөл яариад үнийн шуурганд байдагаа тавьж туусан эгэл ардууд хэзээ сэхэл авна гэхэв Энэ хүнд үед өөрийн чинь зөв зохион байгуулалт хатуу шаардлага чанга нудрага үгүйлэгдэж бна Тэр нэг нэг хараалд идэгдсэн хуулиа хар тэрбум тэрбумаар нь хулгайлчихаад дөчхөн саяаар торгуулчихаад гэртээ очоод гэдэсээ илээд хэвтчихдэг Одоо монголийн шоронд байгаа бүх хулгайчуудаа сулла тэгвэл өөрийн чинь яарьдаг шудрага ёсонд нийцнэ
Хариулах
64.119.26.7
2021/12/08
0
0
МАН bvgd avilgach hulgaich nar bdag shvv dee tegeheer odoo shvvh tednii turd suulgahiin tuld yllaj chadahgvi yal uguhgvi gesen vg yumuu
Хариулах
202.126.94.99
2021/12/08
0
0
Терийг цомхотгож мэргэжлийн болгох байсан!!! Намуудад чадалтай боловсон хучин алга, гадаадын дипломтой хоосон толгойтууд дуурчээ.
Хариулах
192.82.73.124
2021/12/08
0
0
Энэ новшнууд амны хэмжээгээр авч байна
Хариулах
66.181.177.174
2021/12/08
0
0
ХӨӨРХИЙ НЭГ АВИЛАГЧ УУРЛАН БИЧИЖ БН, ХУГЦААГАА ДУУСГААД БУЦАЖ ОРМООР БН ГЭНЭ ШҮҮ
Хариулах
192.82.76.132
2021/12/08
0
0
Шүүх чинь хуулийн дагуу Төрд ажиллахыг тодорхой жил зааж хориглодог биз дээ. ТА-нд хориглосон жил нь дуусвал Төрийн албанд орж болно. Хугацаа нь дуусвал ялгүйд тооцно. МАН хуулиа мэдэхгүй байж Хүний Эрх ярьж гуцалдана.
Хариулах
Шинэ мэдээ
Засгийн газрын сайд нар бүгд УИХ-ын гишүүн байх нөхцөл бүрдлээ 9 цагийн өмнө
“ТРИО” кино “Thai Film” фестивалийн шилдэг бүтээлийн төлөө өрсөлдөх эрхээ авлаа 9 цагийн өмнө
Нийслэлийн өвөлжилтийн бэлтгэл ажил 74 хувийн биелэлттэй байна 9 цагийн өмнө
АТГ: ЗТХЯ-ны албан тушаалтнуудтай хамаарал бүхий 30 гаруй объектод нэгжлэг хийнэ 9 цагийн өмнө
ЦХХХЯ НАСА-тай хамтран ажиллана 10 цагийн өмнө
​Д.Сумъяабазар: Усан паркийн асуудал хууль зөрчөөгүй, улстөржүүлж байгаа 14 цагийн өмнө
Нийслэлд цэцэрлэгийн насны 73,818 хүүхдийн хүсэлт бүртгэгджээ 15 цагийн өмнө
Зөвшөөрөлгүй барьсан 3621 гараашийг буулгав 15 цагийн өмнө
Л.Оюун-Эрдэнэ: Орон нутагт шилжин ажиллах иргэдэд ипотекийн зээлийн дэмжлэгээс гадна нэг удаагийн тэтгэмж олгоно 15 цагийн өмнө
Энэ намраас буруу талдаа жолооны хүрдтэй тээврийн хэрэгслийг хориглох эсэхийг эцэслэн шийдвэрлэнэ 16 цагийн өмнө
"Эрэл"-ийн Б.Эрдэнэбат, түүний өмгөөлөгч Н.Цэцэгмаа болон Нийслэлийн прокуроруудыг АТГ-аас шалгаж эхэлжээ 17 цагийн өмнө
"Давхар дээл" хэлэлцэх Цэцийн хуралдаан болж байна 17 цагийн өмнө
Л.Оюун-Эрдэнэ: Гэр хорооллын стандартыг сайжруулахад Сингапур улстай хамтран хэрэгжүүлнэ 17 цагийн өмнө
Дуу цахилгаантай аадар бороо орж сэрүүснэ 17 цагийн өмнө
Арилжааны 9 банкинд торгох шийтгэл ногдууллаа 2022/08/12
Samsung Galaxy Z Flip4 болон Galaxy Z Fold4 утсууд нь ухаалаг утасны зах зээлийн хэвшмэл байдлыг үүрд өөрчиллөө 2022/08/12
2022 оны ЭЕШ-ын дүнгээр тэргүүлсэн сургуулиуд 2022/08/12
ЭМГЭНЭЛ 2022/08/12
Малчин цэрэг мориноос унаж, хүнд гэмтэл аван ГССҮТ-д нисдэг тэргээр хүргэгдлээ 2022/08/12
Л.Оюун-Эрдэнэ: Хөшигийн хөндийд шинэ хот цогцлоох их бүтээн байгуулалтын инженерийн дэд бүтцийн ажлыг эхлүүлж байна 2022/08/12