Д.Халтар: БНХАУ-тай чингэлэг ачаа солилцох хамтарсан туршилт өнөөдөр эхэлсэн

Зам тээврийн хөгжлийн сайд Д.Халтар мэдээлэл өглөө. Тэрээр "Өнөөдөр өглөөний байдлаар Эрээн талаас дундын бүс дээр хоёр чингэлэг оруулж ирсэн. Ийнхүү туршилт эхэллээ гэсэн үг. Одоо Хятадын тал цаашдаа хэрхэх тухай дүгнэлт хийж байгаа байх. Өнөөдөр Гадаад харилцааны дэд сайд Замын-Үүдэд очсон. Эрээнд байгаа Консулын газрынхантай холбогдоод Эрээний ардын Засгийн ордынхонтой ярилцаж, хэлэлцэнэ. Үдээс хойш шийднэ гарна гэж найдаж байна. Дундын бүсэд байгуулсан чингэлгийн талбай нь 50 орчим чингэлгийн багтаамжтай юм билээ. Гэхдээ энэ нь эхний шатных. Цаашдаа нөхцөл байдлыг харж байгаад нэмэгдүүлэх тал дээр анхаарна. Хавраас ачааны эргэлт их болоод эхлэхээр өдөрт 100-аас дээш чингэлэг татах тал дээр анхаарна. Айлын талаас тавьж байгаа шийдвэрт хүндэтгэлтэй хандах хэрэгтэй. Ковид19 халдварын нөхцөл байдлын улмаас хил гааль хаасан" гэлээ.