Их хэмжээний гар утас, алтан эдлэлийг хууль бусаар нэвтрүүлэхийг завджээ

Өчигдөр буюу 2021 оны 12 дугаар сарын 12-ны оройн Сөүлийн онгоцоор ирсэн зорчигчоос гаалийн байгууллагын албан хаагчид их хэмжээний ухаалаг гар утас, алтан эдлэл илрүүлжээ. Тодруулбал, Монгол Улсын иргэн зорчигч “А” нь улсын хилээр орох үедээ i-phone 13 promax маркын гар утас 40 гаруй ширхэг, Солонгос улсад үйлдвэрлэсэн алтан эдлэл 6 кг орчмыг  гар тээшиндээ нууж улсын хилээр татвар хураамж төлөлгүй хууль бусаар нэвтрүүлэхийг завдсан байна. Гаалийн байгууллагаас дээрх зөрчилд хэрэг бүртгэлтийн хэрэг нээж шалгалтын ажиллагааг явуулж байгаа талаар эх сурвалжаас мэдээллээ.