2022/05/25
USD 2,811

​Бусан хотын эмнэлгүүд иргэдтэй цахимаар холбогдож үнэ төлбөргүй зөвлөгөө өгч байна


Улаанбаатар хоттой ах дүүгийн харилцаатай БНСУ-ын Бусан хотын захиргаа, Бусан хотын эдийн засгийг дэмжих агентлагаас тус хотын томоохон эмнэлгүүдийг хамруулсан цахимаар эмчтэй холбогдож зөвлөгөө авах үйл ажиллагааг Улаанбаатар хотноо зохион байгуулж байна. 

Энэ удаагийн цахим зөвлөгөө өгөх үйл ажиллагаанд Бусан хотод байрлалтай их сургуулийн нэгдсэн эмнэлэг болон томоохон төрөлжсөн эмнэлгүүд эмнэлгүүд, хавдар судлалын эмнэлэг, дагнасан эмнэлэг гээд нийт долоон эмнэлэг байна. Энэ ажлын хүрээнд хүссэн иргэдэд хоол боловсруулах эрхтэн эмгэг, хавдар, чих хамар хоолой, цээжний хөндийн мэс засал, зүрх судас, нуруу үе мөч, эх барих эмэгтэйчүүд, мэс засал болон урологи гэмтлийн нарийн мэргэжлийн эмч нар зөвлөгөө өгч байгаа юм.


 Бусан хотын захиргаанаас энэхүү томоохон олон улсын үйл ажиллагаанд Бусан их сургуулийн эмнэлэг, Дун А их сургуулийн эмнэлэг, Сам Юг Бүсан эмнэлэг, Зүүн өмнөд бүсийн радиалоги судлалын эмнэлэг, Жу Ын Ган Ан эмнэлэг, Дун Ы эмнэлэг, Пак Вон Үг нуруу, үе мөчний эмнэлэг зэрэг томоохон байгууллагуудыг хамруулж байгаагаа мэдээллээ. Цахимаар солонгосын эмнэлгүүдтэй холбогдож эмчийн зөвлөгөө өгөх ажил энэ долоо хоногийн турш үргэлжлэх бөгөөд хүссэн иргэд өөрийн өвчний түүх, зураг шинжилгээний бичиг баримтуудтайгаа очиж хандан үнэ төлбөргүй зөвлөгөө авах боломжтой гэж зохион байгуулагчид мэдээлэл өглөө. 


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
124.158.76.110
Үйлдвэрчиний эвлэлийн байрны 218-д байна лээ талбайн баруун талд
Хариулах
37.120.192.92
Хаана очиж хандах нь байхгүй байна.
Хариулах