2022/05/24
USD 2,811

Н.Учрал: Монгол Улс кибер аюулгүй байдлаа хамгаалах боломж бүрдлээ

О.Шүрэнцэцэг
2021/12/16

Өнөөдрийн Улсын Их Хурлын чуулганы нэгдсэн хуралдаанаар “Кибер аюулгүй байдлын тухай хууль”-ийн төслийн эцсийн хэлэлцүүлгийг хийлээ. Монгол улс өнөөдрийг хүртэл Кибер аюулгүй байдлаа хамгаалах, аливаа эрсдэл, халдлагаас урьдчилан сэргийлэх, халдлага үйлдэгдсэн тохиолдолд хариу арга хэмжээ авах тогтолцоо бүрдээгүй хэвээр байсан. Тагнуулын Ерөнхий газар, Үндэсний аюулгүй байдлын зөвлөл, Батлан хамгаалах яам зэрэг энэ чиглэлийн байгууллагуудад тус тусдаа бие даасан бүтэц, нэгжүүд байснаас биш Үндэсний тогтолцоо өнөөдрийг хүртэл бүрдээгүй байсан нь олон эрсдлийг дагуулж байна.

 Орчин үед олон улс хоорондын сөргөлдөөн, дайн, үндэсний аюулгүй байдлын асуудал цэрэг зэвсгээр бус цахим орчин, кибер хэлбэрээр явагддаг болсон гэхэд хилсдэхгүй. Тиймээс энэ чиглэлд онцгойлон анхаарч хууль эрх зүйн орчныг бүрдүүлэх, тогтолцоогоо тодорхой болгох нэн чухал шаардлага үүсээд байсан юм.

Монгол Улсын Засгийн газраас өнгөрсөн зун өргөн мэдүүлсэн “Кибер аюулгүй байдлын тухай анхдагч хуулийн төсөл”-ийг Улсын Их хурлаас хэлэлцэж, өнөөдөр эцсийн хэлэлцүүлгийг хийлээ. Тус хуулийн төслийн ажлын хэсгийн ахлагч Н.Учрал: “Энэ хууль бол анхдагч хууль. Өөрөөр хэлбэл өнөөдрийг хүртэл тогтолцоо болоод эрх зүйн орчин нь тодорхойгүй байсан Кибер аюулгүй байдлын асуудал ийнхүү тодорхой зохицуулалт болоод тогтолцоотой боллоо. Энэ бол маш том дэвшил. Мэдээллийн аюулгүй байдал бол улс орнуудын хувьд Үндэсний аюулгүй байдлын чухал бүрдэл хэсэг гэж үздэг. Мэдээллээ алдвал бүгдийг алдана. Мэдээлэл бол орчин үед улс орны хамгийн том баялаг болчихоод байна. Тиймээс энэ батлан гаргах гэж буй хууль бол маш том дэвшил, маш том үр өгөөж бүхий нэн чухал хууль. Цаашдаа Монгол улс кибер аюулгүй байдлаа хамгаалах, халдлагаас сэргийлэх, сөрөг арга хэмжээ авах эрх зүйн болоод тогтолцоо, бүтцээ тодорхой болголоо” гэсэн юм.

 

 

 

 


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
139.5.216.254
Үүнээс чухал юм их байна аа. Шоу эрэмбэлмээр юм. Дарьтай торх шиг болж байна..
Хариулах
202.21.109.55
ene erguu bair mair duulala bayan ailiin mangar batsaasn erguutej odoo uls tord chaachihsn hud2 chamaig shiitgej harin uhuulcheegui bna odoo boli jujihee chi ger hroroolold amirdarch uzsn u tui mai aani neg hudlaa surguuli baiguulsn nertei nuguh duuchin sagschin belddeg zailoo
Хариулах