2022/05/24
USD 2,811

Серби хоёр ба гурав дах хүүхэдтэй болсон гэр бүл бүрд 850 евро өгнө


Сербий парламент олон хүүхэдтэй гэр бүлийн дэмжих бодлогыг дэмжих ажлын хүрээнд хоёр ба гурав дах хүүхэд төрөхөд тус бүр 100 мянган динар буюу 850 еврогийн нэг удаагийн тэтгэлэг олгож байхаар болжээ. Ингэснээр 2022 оны нэгдүгээр сарын 1-ээс эхлэн хоёр ба гурав дах хүүхдээ өлгийдөн авсан айл бүр 100 мянган динар авахаар болов.

Үүний өмнө хуулиар зөвхөн анхны хүүхэд төрсний дараа мөнгөн тэтгэлэг өгдөг байсан аж. Сербийн Гэр бүл ба хүн ам зүйн сайд Ратко Дмитрович нь парламентын хуралдаан дээр энэ хууль оруулах нэмэлт өөрчлөлтийн талаар үг хэлэхдээ “Төсвийн хүчин чадалд үнэлгээ хийж үзээд ийм шийдвэрийг хэрэгжүүлэхэд шаардлагатай хөрөнгийг гаргах боломжтой гэж үзэж байна” гэжээ.

Үүний өмнө Сербийн парламент нь дээр дурдагдсан анхны хүүхэд гарахад өгдөг мөнгөн тэтгэлгийн хэмжээг нэмэх нэмэлт өөрчлөлт батлаад байсан аж. Ингэснээр анхны хүүхдээ гаргасан гэр бүлд 100 мянган динар өгдөг байсныг болиулж 2022 оны нэгдүгээр сарын 1-ээс эхлэн 300 мянган динар буюу 25000 евро өгч байхаар болжээ.

 Сербийн Ерөнхийлөгч Вучич ард түмэндээ хандан хэлсэн үгэндээ анхны хүүхдээ гаргасан гэр бүлд төрөөс болон орон нутаг ба хотуудын удирдлагаас өгч байгаа нийт мөнгөн тэтгэмжийн хэмжээ 4000 евро хүрээд байгааг онцолсон. Түүнчлэн хуулийн дагуу нэг удаагийн тэтгэлгээс гадна хоёр дах хүүхэд гаргахад хоёр жилийн турш сар бүр 10 мянган динар буюу 85 евро, гурав дах хүүхэдтэй болоход 10 жилийн турш сард 12 мянган динар буюу 102 евро, дөрөв дэх хүүхэдтэй болбол 10 жилийн турш 18 мянган динар буюу 153 евро сар бүр өгч байна.

 Серби улс нь төрөлт огцом багасах гэдэг тун таагүй үзэгдэлтэй тулгараад байгаа бөгөөд сүүлийн жилүүдэд асуудлыг шийдэхийн тулд төрөөс янз бүрийн тэтгэлэг, дэмжлэгийн хөтөлбөрийг хэрэгжүүлэх болсон аж.

 

 


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.57.92.91
Эргүүт малаа.Хятадтай заавал эрлийзжихгүй бол монгол мөхлөө гэх нь л дээ.Зүгээр л хүн амзүйн бодлогогүй иргэд рүү чиглэсэн нийгмийн бодлогогүй ийм байдлаа засаж хүн амаа өсгөх хэрэгтэй.Баахан цагаач оруулж ирж хүн амаа өсганө гэж байхгүй.
Хариулах
103.57.92.91
Монголд эсрэгээрээ хүн амаа цөөлөх бодлого сүүлийн 30 жилд явагдлаа.Хүүхдэд сар бүр олгодог хэдэн төгргөөө улс төрчид дарга нар нь байнга хэлж халамж ихдээд боохоо байлаа гээд халаглацгааж байдаг хэрнээ өөрсдөө болохоор орд ордоор нь хуйвалдаад хулгайлаад хууль зөрчөөд авчихдаг,авилга аваад гадныханд өгчихдөг эмгэнэлтэй ичгүүргүй.
Хариулах
66.181.161.36
Манайд хүн ам зүйн сайдтай болмоор юм
Хариулах
2a02:8440:7322:a49:93e:df7d:db14:33c5
Манайд энэ хуулийг хэрэгжүүлэх хэрэгтэй. Хүн амаа эрлийзжүүлэхгүй бол цус ойртоод баларлаа. Цагаачдыг авчирч зарцал.
Хариулах