2022/01/26
USD 2,811

Дархан-Уул: Аймгийн онцгой комиссын энэ оны эхний хуралдаан болов

О.Шүрэнцэцэг
2022/01/03

Аймгийн Онцгой комиссын 2022 оны эхний хуралдаан өнөөдөр /2021.01.03/ 11:00 цагт аймгийн Засаг даргын Тамгын газрын хурлын танхимд болж холбогдох албаныханд дараах үүрэг чиглэлийг өгөв.

- Ерөнхий боловсролын сургууль болон сургуулийн өмнөх боловсролын байгууллагуудын гадна ариун цэврийн өрөөг дулааны улиралд булж, устгах,

- Хувийн бизнес болон гадаад улс руу явахаар коронавируст халдварын ПГУ шинжилгээ өгч байгаа иргэдээс төлбөртэй шинжилгээ авах талаар судлан танилцуулах,

- Түлш, эрчим хүчний байгууллагуудын бэлтгэл бэлэн байдлыг шалгаж, танилцуулах,

- Эмчлэн тусгаарлах байраар ашиглагдаж байсан Оюу толгойн оюутны дотуур байрны урсгал засварын зардал болон гамшгийн үед ашиглах цахилгаан үүсгүүрт шаардлагатай зардлын нөхцөл байдалтай биечлэн танилцах,

- Уурын зуух болон эрчим хүчний байгууллага, бусад төрийн байгууллагуудад энэ 7 хоногт хяналт шалгалт зохион байгуулах,

- Коронавируст халдварын эсрэг дархлаажуулалтын нэмэлт тунд хамруулах ажлыг эрчимжүүлэх,

- Коронавируст халдвараас бусад эмнэлгийн тусламж үйлчилгээний чанар, ажиллагсдын харилцаа хандлагад анхаарч ажиллах,

- Мал, амьтны гоц халдварт шүлхий өвчнөөс урьдчилан сэргийлэх хяналтын постыг 2022 оны 01 дүгээр сарын 09-ний өдрийг дуустал зохион ажиллуулах,

- Бүх нийтийн бэлэн байдлын зэрэгт шилжсэн үед зөрчил гаргаж тусгай зөвшөөрлийг цуцалсан 2 аж ахуйн нэгж байгууллагын тусгай зөвшөөрлийг сэргээх,

- Шуурхай штабын хэсэгчилсэн хуралдааныг Даваа гараг бүр зохион байгуулж, шаардлагатай үед аймгийн Онцгой комиссын хуралдуулж байх,

- 2022 оны 04 дүгээр сард эхлэх мал, амьтны шүлхий өвчний эсрэг дархлаажуулалтын ажлын бэлтгэл ажил, вакцин татан авах талаар зохион байгуулалтын арга хэмжээ авах

- Гэр оронгүй иргэдэд хяналт тавьж ажиллахыг тус тус даалгалаа.

Дархан-Уул Аймаг


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна