Францад ковидын шинэ мутациар халдварласан 12 тохиолдол бүртгэгджээ

Франц улсад "SARS-CoV-2” вирусийн шинэ мутаци бүртгэгдсэн талаар орон нутгийн хэвлэлүүд мэдээллээ.

Тус улсын өмнөд хэсгийн Форкалкуэр мужид  шинэ мутацийн халдвар авсан 12 тохиолдол бүртгэгдсэн бөгөөд анхны тохиолдол өнгөрөгч арваннэгдүгээр сарын дундуур цуглуулсан шинжилгээний сорьцоос илэрсэн байна. Тухайн иргэн Камерун улсад зорчсон бөгөөд Францын тархвар судлаачид “IHU” гэж нэрлэсэн уг шинэ мутацийг Африк тивийн өмнөд хэсгээс гаралтай байх магадлалтай гэж таамаглаж байгаа аж.

Францын өмнөд нутагт Форкалькад амьдардаг 10 гаруй хүнээс анхлан илэрсэн. Гэхдээ анхны тохиолдол нь Африкийн өмнөд хэсэг Камерунаас ирсэн хүнээс илэрсэн байна. Камерун болон бусад улсуудад вакцин хийлгэсэн хүний эзлэх хувь маш бага байгаа учраас энэ мэт янз бүрийн мутаци үүсэх таатай орчин бий болдог аж. Анхны тохиолдол нь арваннэгдүгээр сарын дундуур түргэвчилсэн шинжилгээ өгөхөд эерэг гарсан. Дараа нь ПЦР шинжилгээ өгөхөд тухайн үед давамгайлж байсан “Дельта”-тай адилгүй өөр төрлийн мутаци бүхий вирусээр халдварласан илэрсэн.

Энэхүү мутацийг илрүүлсэн эрдэмтэд ажилладаг “IHU Méditerranée-Infection” төвийнхөө нэрээр вирусийн шинэ хувилбарыг нэрлэсэн байна.