Махны үйлдвэрийн манаач менежерээ хөнөөгөөд, зугтжээ

Төв аймгийн Аргалант сумын Цагаан хөтөлд байрлах махны үйлдвэрт хүн амины хэрэг гарчээ. Тодруулбал Төв аймгийн  Аргалант сумын Цагаан хөтөл гэх газарт хүн нас барсан байна” гэх мэдээллийг энэ сарын 3-ны өдөр Цагдаагийн байгууллагад иржээ.  Шалгалтаар мах, түүхий эд авах  төвд харуулийн  манаач   А гэх  тус төвд менежер ажилтай  Б -ын амь насыг нь хохироож, хэргийн газраас оргон зайлсан хэргийг тус аймаг дахь цагдаагийн газраас шалгаж байна.

Албан хаагчид уг этгээдийг энэ сарын 5-ны 07:00 цагийн үед  СХД-ийн нутаг дэвсгэрт байрлах зочид буудалд байхад нь баривчилжээ. 

Урьдчилсан байдлаар 35 настай манаач, 55 настай менежерийнхээ аминд хүрч, цогцсыг нуун дарагдуулаад, оргон зайлсан нь тогтоогдоод байгаа юм байна.

ЭЦА-ны Хүнд гэмт хэрэгтэй тэмцэх хэлтсийн эрүүгийн ахлах мөрдөгч, цагдаагийн ахмад Б.Нямбадрал: Энэ оны 01 дүгээр сарын 04-ний өдрийн 20 цаг 58 минутад Төв аймгийн Аргалант сумын хэсгийн төлөөлөгчийн утсанд иргэн А-аас “Манай нөхөр гэртээ ирэхгүй сураггүй алга болчихлоо” гэх дуудлага мэдээлэл ирүүлсний дагуу эрэн сурвалжлах ажлыг зохион байгуулахад Аргалант сумын нутаг дэвсгэрт үйл ажиллагаа явуулдаг махны үйлдвэрийн байрны орчмоос улаан өнгийн цус мэт зүйлээр бохирлогдсон хувцас олдсоныг иргэн А-д таниулахад сурагггүй алга болсон гэх 55 настай Б-ийн хувцас мөн болох нь тогтоогдсон.
Эрэн сурвалжлах ажлыг үргэлжлүүлэн явуулахад махны үйлдвэрийн менежер ажилтай иргэн Б-нь мах хадгалах зоориноос гадны нөлөөтэй нас барсан байдалтай олдсон хэрэгт Төв аймгийн цагдаагийн газрын шуурхай бүрэлдэхүүн хэргийн газарт мөрдөн шалгах ажиллагааг явуулсан.