2022/01/26
USD 2,811

Шатахууны үнийг нэмсэн Засгийн газар огцорчээ

О.Шүрэнцэцэг
2022/01/05

Орон орны ард иргэд шатахууны үнийн өсөлтийн янз бүрээр хүлээн авдаг. Жишээлбэл, АНУ-д өнгөрсөн оны сүүлээр шатахууны үнэ огцом өсөхөд Ерөнхийлөгч Байден буулгахын тулд стратегийн нөөц дэх газрын тосоо зах зээлд гаргасан төдийгүй Хятад, Энэтхэг, Япон, Өмнөд Солонгос зэрэг улсуудад хандан яг адил арга хэмжээ авч дэлхийн хэмжээний газрын тосны үнийг буулгавал дотоодын зах зээл дэх шатахууны үнэ ч буурна гэж ухуулсан. Улмаар газрын тосны үнийг бууруулж чадсан. Орост бензиний үнэ огцом өсөж эхлэхэд шатахуун импортлогч компаниудтайгаа уулзан гадаад руу шатахуун гаргахыг түр хорих замаар дотоодын үнийг бууруулж чадсан.

Харин зарим улсад шатахууны үнэ өсөж, иргэд нь уурлаж бухимдвал Засгийн газар нь огцордог. Жишээлбэл, өнөөдөр өглөө Казахстаны Засгийн газар шатахууны үнийг огцом өсгөх буруу шийдвэр гаргасан хариуцлагаа хүлээн танхимаараа огцорсон байна. Казахстан нь өөрөө газрын тос ба шатдаг хийн томоохон олборлогч улс учраас үнэ огцом өсөхөд иргэд нь маш ихээр бухимджээ.

Шинэ оны эхний өдрөөс Казахстанд автомашинд ашигладаг шингэрүүлсэн хийн үнэ 60 тэнге байснаа шууд 120 болж огцом өссөн юм. Үүний дараанаас Актау, Жанаозен зэрэг хотуудад хүмүүс гудамж талбайд хааж жагсаж эхэлжээ. Удалгүй энэ мэдээ олон нийтийн сүлжээгээр эрчимтэй тархаж эхлэхэд

Алма-Ата, Нур-Султан, Караганд, Атырау, Уральск, Талдыкорган, Кызылорд, Шымкент гээд бүх том хотуудад үнийн өсөлтийг эсэргүүцсэн жагсаал үймээн дэгдсэн байна. Эсэргүүцлийн жагсаалыг эхлүүлсэн Жанаозен хот гэхэд л газрын тосны асар орд газар байдаг Мэнгистау мужид байрладаг, хотын олон оршин суугчид газрын тосны үйлдвэрт ажилладаг.

 Эрх баригчид анхандаа дэлхийн зах зээл дэр шингэрүүлсэн хий болон бусад шатахууны үнэ өссөн тул цаашид ашигтай ажиллахын тулд үнийг бууруулах боломжгүй гэсэн байр суурьтай байсан. Харин жагсагчид шинэ үнийг даруй 50 хувиар бууруулахыг шаардсан хэвээр байсан бөгөөд цагдаа нартай хүчтэй мөргөлдөөн хийж олон арван хүн шархадсаны дараа Засгийн газар нь үнийн өсөлтийг зохицуулах тусгай комисс байгуулж, Ерөнхийлөгч Касым- Жомар Токаев тусгай шийдвэр гаргаж Мэнгистау мужид шингэрүүлсэн шатдаг хийн үнийг бууруулж, литрийг нь 120 тэнге байсныг 50 тэнге болгосон.

 

Гэвч эсэргүүцлийн жагсаал цуглаан намжаагүй төдийгүй улам газар авч, Засгийн газрыг огцруулах, экс Ерөнхийлөгч Нурсултан Назарбаев болон түүний талыг баримтлагчдыг улс төрөөс хөөхийг уриалсан үймээн болж хувирчээ. Энэ бол эрх баригчдын хувьд туйлын таагүй өрнөл байсан нь мэдээж. Иймд нэгдүгээр сарын 4-д Казахстаны Засгийн газар бүрэн бүрэлдэхүүнээрээ огцорчээ. Мөн Ерөнхийлөгч Касым- Жомар Токаев нь Мэнгистау болон Алма-Ата мужуудад хөл хорио тогтоосон байна.

 Зарим хотуудад жагсагчид төр захиргааны байруудыг дайрч эзлэх оролдлого хийсэн байна. Жагсагчид болон цагдаа нарын хооронд болсон мөргөлдөөний үеэр 95 цагдаа гэмтэл авч, 200 гаруй хүн баривчлагджээ. Улс төрийн шинжтэй болсон жагсаал цуглаан газар авахаас эмээсэн эрх баригчид байдал ноцтой байгаа хотуудад интернэт, олон нийтийн сүлжээг бүрэн хааж, үймээний газраас сурвалжлаг хийж байсан сэтгүүлчдийг түр саатуулсан тухай “Аль Жазира” мэдээлсэн байна.

 

.

 


Сэтгэгдэл (13)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.98
Монголчууд тэмцэж чадахгүй ээ аймхай хулчгар хоорондоо хэрэлдэхээс өөр зүйлгүй тэнэгүүд шүү дээ Бүх юмны үнэ нэмэгдчихээд бхад тоохгүй байж л бдаг мангарууд юмаа
Хариулах
192.82.83.79
Hasguud geed dormjiloood bdag bidneees hawi iluu yumoo
Хариулах
192.82.83.79
Engej temtsdgiiin shvv!!!!!
Хариулах
192.82.83.79
Archaatai irgediin ulas oron archaatai baih yumoo Manai Mongolchuud gej neg erguudsen honishig malnuud jagsaad temtseed yawj chadahgui erguuu malnuud!!!
Хариулах
103.26.195.190
Гадны хоол болох гээ юу
Хариулах
203.91.115.53
Чадах уу? Монголд бол нэтэд 3 хоног шүлсээ коммент хэсэгт савируулж байгаад хүлцэнгүй мартаж орхино
Хариулах
66.181.161.70
Mонголчуудаа нэгдэж жагсах цаг нь болсондоо энэ 76 хэрээс хэтэрч байна
Хариулах
103.212.118.181
Огцом нэмчиж.Манайх шиг аажмаар нэмэх байж дээ.Үнийг чөлөөл гэж орилдог лебралуудад юу бодогдож байна.Улсгүй болно доо.
Хариулах
192.82.75.38
ene door comment bichij b.gaa teneguudee..dain , yimeen samuun huseed magtaad b.gaa muu ???? enkh tunkh amidran gedeg hamgiin tom az..bolj butehgyi yum ikh b.na..nadaa ch gesen durguitseh yum b.na..tegehdee bid tsoohon mongolchuud yumiig eveer shiideh estoo shuu
Хариулах
192.82.77.235
Монголчууд хэдхэн хулгайч луйварчдад доромжлуулаад дуусах байхаа
Хариулах
64.119.26.189
Үнэхээр гайхалтай юмаа.Нур султан назарбаевийн дэглэмийг эв нэгдэлтэй тэмцэж байнө шүү дээ!Бид угаартаж үхэж байна доо.
Хариулах
202.126.89.132
Ингэж тэмцдэг юм
Хариулах
64.119.18.206
Хасагууд мундаг байна шүү. Нэгдмэл байж чадаж байна.
Хариулах