Хөгжлийн банкны чанаргүй зээлдэгч нарын нэгээр нэрлэгдэж, шүүхэд шилжсэн компаниудын нэг нь “Пирамид-Орд” юм. Тус компани “Буман залуус 296 айлын орон сууц”-ны төсөл хэрэгжүүлэхээр Хөгжлийн банкнаас 2018 онд 15 тэрбум төгрөгийн зээл авчээ. Авсан зээлээрээ төлөвлөсөн төслөө хэрэгжүүлж Буман залуус хорооллыг ашиглалтад өгсөн байдаг. Харин өрөө төлөхгүй луу унжсаар өнөөдөр үлдэгдэл өрийн хэмжээ 23 тэрбумд хүрээд байгаа юм.
Тэгвэл тус компани Хөгжлийн банкнаас зээл авахдаа Сүхбаатарын дүүргийн 7 дугаар хороонд байрлах Ардчиллын ордон буюу МОАХ-ны байрыг барьцаанд тавьжээ. Ардчиллын ордон нь Ерөнхийлөгч асан Х.Баттулгатай холбогддог.
Харин Пирамид-Орд ХХК нь Гомбын Цолмон гэх хүний нэр дээр бүртгэлтэй бөгөөд Ардчиллын ордныг барьцаанд тавьж зээл авснаас харахад Ерөнхийлөгч асан Х.Баттулгатай хамаарал бүхий хүн бололтой. Ямартай ч Ардчилсан намынхан өөрийн гэх нэг ч байргүй болох эрсдлийн өмнө зогсож байна.
Дашрамд дурдахад Х.Баттулгын зөвлөхөөр ажиллаж байсан Ц.Ууганбаярын эзэмшдэг “Нью яармаг хаусинг прожект” ХХК нь ч мөн Хөгжлийн банкны чанаргүй зээлдэгч нарын жагсаалтыг үргэлжлүүлж байгаа бөгөөд энэ талаар бид өмнө нь мэдээлж байсан билээ.
Сэтгэгдэл (0)
Сэтгэгдэл бичигдээгүй байна