Украйны Ерөнхийлөгч Зеленский 18-60 насны бэлтгэл цэргийн албан хаагчдыг дайчлах тушаал гаргалаа. Гэхдээ энэхүү ээлжит бус цэрэг татлага нь бүх нийтийн дайчилгаа бус зөвхөн шуурхай нөөцийн тоонд бүртгэгдсэн хүмүүсийг албанд татаж байгаа гэдгийг Зеленский онцолжээ. Энэ удаад цэрэгт татагдаж байгаа бэлтгэл албан хаагчид нь дээд тал нь 1 жил алба хаах ёстой бөгөөд энэ хугацаанд тэдний ажлын байр болон сар тутам олгох ёстой цалинг хөлсийг хэвээр хадгалах ёстой гэж Зеленский тайлбарлажээ.
Үүнээс гадна Зеленский нь Украйны иргэдэд хандан зөвхөн өөрийн улсад ажлын байр бий болгон ажиллаж, Украйны эдийн засагт хувь нэмэр оруулахыг уриалсан байна. Энэхүү уриалгаа хэрэгжүүлэхийн тулд “Эдийн засгийн эх оронч үзэл” гэж нэрлэсэн тусгай хөтөлбөр эхлүүлж байгаа аж. Бодит байдал дээр цэргийн алба хаах насны эрэгтэй хүмүүсийг хил даван дүрвэхээс хамгаалах хатуу арга хэмжээ авч таарах бололтой гэж ажиглагчид үзэж байна. Иймэрхүү арга хэмжээ авахгүй бол олон арван мянган эрэгтэйчүүдийг цэрэгт татсан нөхцөлд Украйнд ажиллах хүчний эрс хомсдол үүсэх нь гарцаагүй гэж мэргэжилтнүүд үзэж байна.
Сэтгэгдэл (0)
Сэтгэгдэл бичигдээгүй байна