АНУ-ын Төрийн нарийн бичгийн дарга Энтони Блинкен нь БНХАУ-ын Төрийн зөвлөлийн гишүүн, Гадаад хэргийн сайд Ван И-тэй утсаар ярьсан байна. Ярианы гол сэдэв нь Украйнд бий болсон нөхцөл байдал байж. Америкийн тал нь Бээжинд хандан Оросын эсрэг авч байгаа эдийн засаг, санхүү, улс төрийн хориг арга хэмжээнд нэгдэхийг уриалсан байна.
Гэвч БНХАУ-ын удирдлага Оросын эсрэг хориг арга хэмжээнд нэгдэхийг хүссэнгүй.
Зарим мэргэжилтнүүдийн үзэж байгаагаар Оросын эсрэг хориг арга хэмжээ авахыг хүссэнээр Вашингтон нь Хятадын талаар нарийн бодож боловсруулсан бодлого хэрэгжүүлдэггүй гэдгээ харуулжээ. Учир нь, хоёрдугаар сарын 7-нд Вашингтон нь Бээжингийн эсэргүүцлийг үл тоон Тайванд 100 сая долларын зэвсэглэл зарахыг зөвшөөрсөн юм. Бээжин энэ наймааг зогсоож чадахгүй ч нэрээ хадгалахын тулд Америкийн зэвсгийн компаниудын эсрэг хориг арга хэмжээ авсан.
Гэтэл үүнээс хоёр долоо хоногийн дараа АНУ гэнэт ухаан орсон мэт Бээжинд хандан өөрийн талд орж, Москвагийн эсрэг хориг арга хэмжээнд нэгдэхийг уриална гэдэг өчигдөр нь Тайванд зэвсэг зарснаа мартсан эсвэл мэдэхгүй байгаа хэрэг гэж шинжээчид шүүмжилсэн байна.
Сэтгэгдэл (0)
Сэтгэгдэл бичигдээгүй байна