Хөгжлийн банкыг ганхуулж буй зээлдэгчдийн дийлэнхи нь улс төрчдийн хамааралтай болох нь явах тусам ил болж байна. Тэгвэл энэ удаа чанаргүй зээлдэгчдийн жагсаалтыг тэргүүлдэг “Чингис хаан банк”-тай Сангийн сайд Б.Жавхлан халаас нэгтэй болох нь нотлогдож байна. Тодруулбал, “Чингис хаан банк”-ны Б.Батхүүтэй Сангийн сайд Б.Жавхлангийн эхнэр А.Соёлмаа “Нью гоби гэйт” компанийг хамтран эзэмшдэг байна.
Чингис хаан банк дампуурлын ирмэг дээр байгааг мэдсээр байж Хөгжлийн банкнаас 2019 онд 25 тэрбум төгрөгийг тус банкинд байршуулсан нь үүний цаана эрх мэдэл, ашиг сонирхол байсныг харуулна. Аалзны тор шиг улс төрчдийн хамаарлын сүлжээ Хөгжлийн банкийг дампуурлын ирмэгрүү түлхэхэд Сангийн сайд Б.Жавхлан хүртэл оролцож байгаа нь харамсалтай.
Дашрамд дурдахад, Чингис хаан банкны Б.Батхүүгийн хамаарал бүхий “Мондулаан трейд” ХХК ч мөн 17.8 тэрбумыг Хөгжлийн банкнаас мурьчихаад байгаа юм.
Сэтгэгдэл (0)
Сэтгэгдэл бичигдээгүй байна