Яагаад яллагдагчаар татах болов?

Өнөрцэцэг
2022/04/26

Улсын ерөнхий прокуророос УИХ-ын нэр бүхий дөрвөн гишүүний бүрэн эрхийг түдгэлзүүлж, шалгуулах саналыг УИХ-ын даргад хүргүүлсэн. Тодруулбал, УИХ-ын гишүүн Ё.Баатарбилэг, Н.Алтанхуяг, Г.Амартүвшин, Х.Ганхуяг нарыг шалгуулахаар болсон юм. Хөгжлийн банктай холбоотой асуудлаар УИХ-ын гишүүн Н.Алтанхуяг, Г.Амартүвшин, Х.Ганхуяг нарыг шалгах бол Ё.Баатарбилэгийг авлигатай холбоотой асуудлаар шалгахаар болсон байна. Зарим эх сурвалжийн мэдээллэж буйгаар  Ё.Баатарбилэг нь Хөгжлийн банкны зээлдэгчээс авлига авсан гэх мэдээлэл байна.

Г.Амартүвшин, Х.Ганхуяг?

УИХ-ын гишүүн Г.Амартүвшин нь Хөгжлийн банкны захирлаар ажиллаж байхдаа Х.Ганхуягийн төрсөн эгч Х.Хашчимэгийн удирддаг, УИХ-ын гишүүн Г.Дамдинямын хувьцаа эзэшдэг “Вертекс Майнинг партнер” ХХК-д 33 тэрбум төгрөгийн зээл олгосон байдаг. Тэгвэл энэ удаа УЕП-оос Г.Амартүвшин, Х.Ганхуяг нарын бүрэн эрхийг түдгэлзүүлэн шалгуулахаар болсон бөгөөд Г.Дамдиннямыг үлдээсэн нь хэвлэлүүдийн анхааралд өртөөд байна.

Н.Алтанхуяг

Хөгжлийн банкны завхрал Н.Алтанхуяг ерөнхий сайд байх үеэс эхэлсэн гэж нэр бүхий УИХ-ын гишүүд хэлэх болсон. Учир нь түүнийг Засгийн газрын тэргүүнээр ажиллаж байх үедээ тухайн үеийн Хөгжлийн банкны гадаад удирдлагыг хөөж явуулсан, үүнээс хойш Хөгжлийн банкнаас гарсан зээлүүдэд асуудал үүсч эхэлсэн гэж үзэж байгаа юм. Энэ талаар тэрээр хэвлэлд өгсөн ярилцлагадаа “Би 2012 оны 8 дугаар сард Ерөнхий сайд болж байсан. Хөгжлийн банкийг Эдийн засаг, хөгжлийн яам/Сайд Б.Батбаяр/ хариуцаж байсан. “Чингис бонд босгох гэж байна. Солонгос удирдлагууд идэвхигүй ажиллаж байна” гэхээр нь өөрчилж байсан” гэжээ.

Дашрамд дурдахад АН засаглаж байх үе буюу 2012-2016 онд зам, гудамж гээд томоохон бүтээн байгуулалтын төслүүдийг Хөгжлийн банкнаас санхүүжүүлж байсан бөгөөд эдгээрээс эргэн төлөгдөх боломжгүй эрсдэлтэй нөхцөлд орсон зээлүүд цөөнгүй байдаг. 2012-2016 онд Хөгжлийн банкнаас 960 тэрбум төгрөгийн чанаргүй зээл олгогдсон байдаг юм.

Ё.Баатарбилэг

Түүнийг авлига хээл хахуулийн хэргээр шалгаж байгаа бөгөөд мөн л Хөгжлийн банктай холбогдож байна. Зарим эх сурвалжийн мэдээллэж буйгаар түүнийг Хөгжлийн банкны зээлдэгчээс хахууль авсан гэх мэдээлэл байна. Албан бус мэдээллээр түүнийг өөрийн жолоочоор дамжуулан авлига авсан гэх мэдээлэл байгаа юм.

Мөн тэрээр манай сайтад өгсөн ярилцлагын үеэр ХБ-ны найдваргүй зээлдэгч НВЦ Ц.Баатарбилэгтэй олон жилийн найзууд болохоо хүлээн зөвшөөрсөн юм. Ц.Баатарбилэг нь шувууны аж ахуй эрхлэх зорилгоор 21 сая ам.долларын зээл авсан бөгөөд авсан зээлээ зориулалт бусаар ашиглаж, уурхай худалдан авсан, мөрийтэй тоглосон зэрэг хэргээр хуулийн байгууллагад шалгагдаж байгаа юм.

 

 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 7 цагийн өмнө
Ирэх сард ихэнх нутгаар хүйтэн байна 8 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 9 цагийн өмнө
Зам засварын ажил ирэх сарын 10-наас эхэлнэ 10 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 11 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 12 цагийн өмнө
Сурагчид өнөөдөр хичээллээд амарна 12 цагийн өмнө
Танилц: Өнөөдөр цахилгаан хязгаарлах байршлууд 12 цагийн өмнө
Ойрын хоёр хоногтоо салхитай хүйтэн байна 12 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр