Татвар төлөгчдийн мөнгө хаана байна тэр болгонд хуруу хумсаа шургалж, татвар төлөгчдийн мөнгийг дээрэмддэг Чингис хаан банкны ээлжит луйврыг бид "Төсвийг мөшгөе" нэвтрүүлгээрээ хөндөж байна.
Чингис хаан банк улсад нийт 280 орчим тэрбум төгрөгийн өртэй. Үүнээс
- Нийгмийн даатгалын санд 101 тэрбум
- ЭМДС-нд 30 гаруй тэрбум
- Хөгжлийн банкинд 38 тэрбум
- Эрдэнэс таван толгойд 50 тэрбум
- МИК-д 20 орчим тэрбум
- Орон нутгийн таван толгойд 5 орчим тэрбумын өртэй.
Гэтэл Нийгмийн даатгалын сангийн 101 тэрбум гаруй төгрөгийн өрийн төлбөрт 25 тэрбум төгрөгөөр ашигладаггүй зоорио төрд шахахаар болсон нь өнөөдөр анхаарал татаж байна. Бүхэл бүтэн татвар төлөгчийн мөнгийг үрэн таран хийчихээд ашиглаж ч болохгүй зоорио шахах гэж байгаа нь хэр шударга вэ?
Зургаахан тэрбумын үнэлгээтэй ашиглаж болохгүй зоорио төрд 25 тэрбум төгрөгөөр шахсан нь шударга уу?
Бидэнд олдсон баттай мэдээллээр тухайн зоорь нь 25 тэрбум төгрөгөөр яавч үнэлэгдэхгүй. 2018 онд хөрөнгө оруулагчдад танилцуулсан төслийн мэдээлэлдээ уг зоорийг 14 мянган тоннын багтаамжтай 3,2 сая америк доллараар барьсан гэж танилцуулсан нь цаасан дээр хараар бичжээ. Ингэхдээ тус зоорийг 2016 оноос ашиглах гэж оролдсон боловч хүнс хөлдөөдөггүй, муутгадаг зэрэг ашиглалтын шаардлага хангаагүйг Чингис хаан банкны хувь эзэмшигч Батхүүгийн төрсөн дүү Буднямын Буяннэмэх гэрчилдэг аж. Учир нь Б.Буянэмэх нь 2017 онд ахынхаа зооринд 4 тонн голланд үрийн сонгино хадгалаад муутгаад бөөн хэрүүл маргаан болж байжээ.
Гэтэл энэ зоорио гурав дахин өндөр үнээр үнэлж, улсад тавьсан өрөндөө шахах гэж буйг өнгөрсөн долоо хоногт УИХ-ын байнгын хорооны хуралдааны үеэр Нийгмийн даатгалын Ерөнхий газрын дарга Д.Зоригт ам алдсан.
Эхнээс нь сөхвөл 2021 оны арваннэгдүгээр сарын 3-ны өдрийн Засгийн газрын хуралдаанаар Чингис хаан банкны барьцаанд байгаа төмс хүнсний ногоо хадгалах зориулалттай 14 000 тоннын багтаамжтай механикчсан агуулахыг нийслэлийн өмчид бүртгэх Засгийн газрын шийдвэр гарчээ. Нийслэлийн өмчид тус зоорийг худалдаж авах ажлын хэсгийг ХХААХҮ-ийн сайд З.Мэндсайхан ахалж байгаа талаар хотын дарга Д.Сумъяабазар мэдээлэв.
Чингис Хаан банк-ны НУУЦ ЭЗЭД ХЭН БЭ?
Чингис Хаан банк ХХК-ийн хувьцааг “ Ньюстандарт финанс” ХХК эзэмшдэг. Тус компанийн өмчлөгч нь Д.Батаа, Ш.Бүтэд, Ц.Баярсайхан нар юм. “Ньюстандарт финанс” ХХК-ийн Гүйцэтгэх захирал Ш.Бүтэд нь Барилга, хот байгуулалтын дэд сайд асан Ш.Лхамсүрэнгийн эгч. Ш.Лхамсүрэн нь Сүхбаатар аймгаас УИХ-д нэр дэвшхээр горилж байсан МАН-ын гишүүн. “Ньюстандарт финанс” ХХК- ийн өмчлөгчдийн нэг Ц.Баярсайханы нөхөр нь МАН-ын бага хурлын гишүүн Б.Батхүү юм. Тэрбээр эхнэрийнхээ нэр дээр хувьцаа авсан “Чингис хаан банк”-ны далд эзэмшигчдийн нэг гэгддэг. Б.Батхүүтэй Сангийн сайд Б.Жавхлангийн эхнэр А.Соёлмаа “Нью гоби гэйт” компанийг хамтран эзэмшдэг юм. Мөн УИХ-ын дарга Г.Занданшатартай тус банкны хувьцаа эзэмшигч Б.Батхүү ойр гэх шуум улс төрийн хүрээнд байдаг. Эндээс харахад тус банкны хувьцаа эзэмшигчид улс төрийн хамаарал бүхий этгээдүүд болох нь тодхон харагдана.
Улаанбаатар °C 
Сэтгэгдэл (1)