Н.Мандуул: Хөтөл болон Кью Эс Си компанийн нийт зээлийн үлдэгдэл 521 тэрбум байна

Хөгжлийн банкны гүйцэтгэх захирал Н.Мандуул: Хөгжлийн банкны зээлийн нийт үлдэгдэл 3.2 их наяд төгрөг байна. Үүнээс 1.7 их наяд төгрөг нь хувийн хэвшлийн зээл байна. Хөтөл болон Кью Эс Си компанийн нийт зээлийн үлдэгдэл 521 тэрбум байна.

Төрийн өмчит компаниудын 987.9 тэрбум төгрөгийн зээл байна. Үүнээс 208.1 тэрбум төгрөгийн эрсдэлийн сан байгуулах шаардлагатай акт хүлээж авсан.

 Манай банк хувийн хэвшлийн зээлийн багц дээр ажиллаж байна. АТГ, ЭЦГ, прокурор дэмжлэг үзүүлэн ажиллаж, үр дүн гарч байна. Харин Хөтөл, Кью Эс Си болон төрийн өмчит компаниудын асуудалд Засгийн газар манлайлж, хөгжлийн банк дэмжлэг үзүүлэн ажиллаж байгаа.

 Кью Эс Си компани дээр шүүхийн шийдвэр гарсан. Хөтөл ХХК-д шүүхийн шийдвэр гараагүй учраас хүү нь тооцогдоод явж байгаа. Одоогийн байдлаар нийт дүн нь 520.5 тэрбум төгрөгт хүрээд байна. Монголбанкны актаар үүн дээр 505.3 тэрбум төгрөгийн эрсдэлийн сан байгуул гэсэн шаардлага ирсэн байгаа.

 Зээлийг эргэн төлүүлж, төрд учирсан хохирлыг барагдуулах чиглэлээр хууль хяналтын байгууллагуудтай хамтран ажиллах шийдвэр гарсан. Энэ хоёр зээл шийдвэрлэгдвэл банкны өөрийн хөрөнгийн хүрэлцээ 9.6 хувиас хоёр оронтой тоонд хүрнэ.