Арван редакцыг ёс зүйн алдаа гаргасан гэж дүгнэлээ

О.Шүрэнцэцэг
2022/06/28

Хэвлэл мэдээллийн зөвлөлийн Сонин, сэтгүүл, сайтын Ёс зүйн хорооны 2022 оны  хоёрдугаар улирлын хурал зургадугаар сарын 21-ний өдөр болж гурван гомдол гаргагчаас ирүүлсэн хорин зургаан редакцад хамаарах гомдлыг хэлэлцлээ.

 Нэг. Neguun.mn сайтын эсрэг хүнсний аюулгүй байдалтай холбоотой гомдлыг ёс зүйн алдаа гаргасан гэж үзлээ

 Тус сайтын фэйсбүүк хуудсаар 2022 оны тавдугаар сарын 30, 31-ний өдрүүдэд хүнсний аюулгүй байдалтай холбоотой мэдээллүүдийг шууд дамжуулсан. Тодруулбал, редакц мах, махан бүтээгдэхүүн бэлтгэдэг дотоодын үйлдвэр нэгэн Хятад компанид муудсан, чанаргүй махаа нийлүүлдэг байж болзошгүй талаар мэдээлсэн юм. Хороо энэхүү гомдлыг нягтлан хэлэлцээд редакц тухайн байгууллагыг хүнсний аюулгүй байдалтай холбоотой буюу маш ноцтой асуудалд буруутгаж байгаа хэдий ч мэдээллээ бусад түвшний буюу нэмэлт эх сурвалжуудаас баталгаажуулаагүй, эх сурвалж гэх иргэний үг үнэн болохыг батлах ямар нэг баримт, нотолгоо байхгүй байхад байгууллагын нэр хүндэд халдсан гэж үзээд “Хэвлэл мэдээллийн ёс зүйн зарчим”-ын 1.1, 1.2, 1.3, 1.6, 4.2 дахь заалтуудыг зөрчсөн байна хэмээн шийдвэрлэлээ.  

 Хоёр. Редакцууд төрийн өндөр албан тушаалтай байсан хоёр хүнийг АТГ-аас шалгаж байгаа тухай бичихдээ ёс зүйн алдаа гаргажээ

 Тавдугаар сард нэр бүхий 9 редакц төрийн өндөр албан тушаал хашиж байсан хоёр хүнийг АТГ-аас шалгаж байгаа талаар мэдээлжээ. Үүнтэй холбоотойгоор нэгэн иргэнээс баттай нотлох баримтгүйгээр хүний нэр төр, алдар хүндэд халдсан гэх гомдол ХМЗ-д ирсэн юм. Ёс зүйн хороо уг гомдлыг хэлэлцээд редакцууд мэдээллээ тодорхой баримт, эх сурвалжуудаар нягталж, баталгаажуулаагүй, нэмэлт буюу албан ёсны эх сурвалжаар баталгаажуулаагүй гэж үзээд “Хэвлэл мэдээллийн ёс зүйн зарчим”-ын 1, 1.1, 1.2, 1.3 дахь заалтуудыг зөрчсөн байна хэмээн дүгнэлээ.

 Гурав. Эрүүл мэндийн салбарын багаж, тоног төхөөрөмж нийлүүлэх, суурилуулах үйлчилгээ үзүүлдэг байгууллагын гомдлыг түр хойшлууллаа

 Нэр бүхий 16 хэвлэл мэдээллийн хэрэгслээр 2022 оны гуравдугаар сард эрүүл мэндийн салбарын багаж, тоног төхөөрөмж нийлүүлэх, суурилуулах үйлчилгээ үзүүлдэг байгууллагын талаарх цуврал нийтлэлүүд гарсан. Уг нийтлэлүүдтэй холбоотой гомдлыг холбогдогч байгууллагаас ХМЗ-д ирүүлсэн юм. Ёс зүйн хороо уг гомдлыг хэлэлцэхдээ зарим редакцын ирүүлсэн хариу тайлбар өгөх хугацааг сунгах хүсэлтийг хүлээн авч, гомдлыг хэлэлцэхийг түр хойшлууллаа.

  Хавсралт

 Хурлын мэдээнд дурдагдаж буй “Хэвлэл мэдээллийн ёс зүйн зарчим”-ын заалтууд:

 1 - “Олон түмэнд үнэнд нийцсэн мэдээлэл хүргэх, хүнлэг ёс, хүн чанарыг эрхэмлэх нь сэтгүүл зүйн эрхэм дээд үнэт зүйл мөн. Мэдээллийг нягтлах нь сэтгүүл зүйн нягт, нямбай үйл ажиллагааны үндсэн зарчим болно”

1.1 - “Мэдээлэл нь үнэнд нийцсэн эсэхийг баталгаажуулж, санамсаргүй алдаа гаргахаас зайлсхийнэ”

1.2 - “Эх сурвалжийн баталгаатай эсэхийг нягталж, тодорхой дурдахыг эрмэлзэнэ”

1.3 - “Бүтээлийн гарчиг, зураг, дүрс, дуу, график, ишлэл зэрэг нь агуулгыг буруугаар ойлгуулах, хэт хялбарчлах, мэдээллийг нөхцөл байдлаас салгаж мушгин гуйвуулах ёсгүйг үргэлж санаж, ийм зөрчил гаргахгүйн төлөө ажиллана”

1.6 - “Баталгаагүй мэдээлэл, таамаглал, ам дамжсан яриаг таамаг хэмээн тодорхой дурдана”

4.2 - “Шүүх гэм буруутайг нь нотлоогүй бол хэнийг ч гэм буруутай гэж үзэхгүй”

 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
ОХУ-ын иргэнд зодуулсан МУ-ын иргэн нас баржээ 1 цагийн өмнө
АТҮТ-ийн зарим салбар амралтын өдрүүдэд ажиллах хуваарьтай боллоо 9 цагийн өмнө
"Содонгоо" эмнэлэг арьс чангалах аппаратны эмчилгээгээ 3,5 саяас 444 мянган төгрөг болгон бодит хямдрууллаа 9 цагийн өмнө
Гурилан бүтээгдэхүүн үйлдвэрлэгчид: Бид одоогоор гурилан бүтээгдэхүүний үнээ нэмээгүй, судалгаа хийж байж нэмнэ 10 цагийн өмнө
Хүсэлт гаргасан ОХУ-ын бүх иргэнд Монгол Улсад оршин суух зөвшөөрөл олгох шийдвэр гаргалаа 10 цагийн өмнө
ХХЕГ: Амиа алдсан цэргийн сэтгэл зүйн байдал тогтвортой байсан, урьд нь ямар нэгэн зөрчил гаргаж байгаагүй 10 цагийн өмнө
Тавантолгой түлшийнхэн 1000 ширхэг мод тарилаа 11 цагийн өмнө
ХЭНТИЙ: Ирэх аравдугаар сараас төрийн албан хаагчдыг “ҮНДЭСНИЙ БИЧИГ”-ийн сургалтад хамруулна 12 цагийн өмнө
Талийгаач цэргийн эгч Ш: Танихгүй хүн залгаад "хүүгийн чинь бие тааруу байна шүү, наашаа гараарай" гэж ярьсан 12 цагийн өмнө
Нийслэлийн удирдлагууд ахмадууддаа хүндэтгэл үзүүллээ 12 цагийн өмнө
Модноос дүүжлээстэй олдсон цэрэг мал малладаг байжээ 13 цагийн өмнө
64 настай Сингапур иргэний бэлгийн хүчирхийллийн хохирогчид нь 29-40 насны эмэгтэйчүүд байжээ 13 цагийн өмнө
Бүгд Найрамдах Социалист Вьетнам улсад Монгол Улсын 42 иргэн амьдардаг бөгөөд 11 иргэн гэмт хэрэгт холбогдож хоригдоод байна 13 цагийн өмнө
ЦЕГ: Есдүгээр сарын байдлаар 54 оргодлыг баривчилж, хэн болох нь тодорхойгүй таван цогцосыг олж тогтоосон 13 цагийн өмнө
Хүүхдийг сурах хүсэлгүй болгодог 5 шалтгаан 14 цагийн өмнө
Архангай, Өвөрхангай аймагт гарсан ойн түймрийг цурамд оруулжээ 14 цагийн өмнө
Малын эрэлд явсан байлдагч модноос боомилсон байдалтай олджээ 14 цагийн өмнө
Үйлдвэрлэгчид гурилан бүтээгдэхүүний үнээ 30-50 хувь нэмэхээ мэдэгдлээ 14 цагийн өмнө
Ж.Сүхбаатар: Нийтийн тээвэрт 1100 автобусаар парк шинэчлэлт хийнэ 15 цагийн өмнө
Хөшгийн хөндийн бүтээн байгуулалтын үндэсний хорооны анхдугаар хуралдаан өнөөдөр боллоо 16 цагийн өмнө