Хилийн боомтуудыг төмөр зам, авто замаар үе шаттайгаар бүрэн холбоно

О.Шүрэнцэцэг
2022/07/04

 Чингис хот – Бэрх хоттой 70 км хатуу хучилттай автозамаар холбогдож байна. 
Мөн Бэрх хот-Батноров сум, Батноров-Норовлин, Норовлин-Баян-Уул, Баян-Уул-Ульхан боомттой холбогдох 318.3 километр үргэлжлэх замын бүтээн байгуулалтын ажлыг эхлүүллээ. Цаашид Чингис хот-Баянмөнх-Дархан-Бор-Өндөр-Даланжаргалангийн 218 километр замыг барьснаар Хэнтий аймгаар ОХУ-г БНХАУ-тай автозамаар холбох зүүн босоо тэнхлэгийн хоёрдахь эдийн засгийн коридори байгуулагдах болно оо. 
Хэнтий, Дорнод, Сүхбаатар аймаг бол хоёр хөрштэй холбогдох тээвэр логистикийн зангилаа бүс нутаг юм. Тиймээс Засгийн газраас “Шинэ сэргэлтийн бодлого”-ын хүрээнд Чойбалсан-Хөөт-Бичигт чиглэлийн зүүн босоо  төмөр замын бүтээн байгуулалт, Дорнод аймгийн Хавирга, Баянхошуу, Сүмбэр зэрэг боомтуудыг автозамаар холбох ажлыг үе шаттай зохион байгуулах бөгөөд Чойбалсан нисэх буудлыг зүүн бүсийн 4С зэрэглэлийн олон улсын агаарын замын боомт болгон хөгжүүлэхээр ажиллаж байна.


 
Ингэснээр зүүн бүс нутгийн өрсөлдөх чадвар хоёр дахин нэмэгдэж, экспортын эргэлт, эдийн засгийн тэлэлт, Түүхэн аялал жуулчлалд томоохон хувь нэмэр орох суурь нөхцөл бүрдэх болно. 
Эзэн Чингис хааны өлгий нутаг Хэнтий аймгийг түүхэн аялал жуулчлалын бүс болгон хөгжүүлэх Засгийн газрын бодлогын хүрээнд Өмнөдэлгэр сум, Дэлгэрхаан сум, Биндэр сум, Баян-Адарга сум, Дадал сум зэрэг Монголын нууц товчоонд тэмдэглэгдэн үлдсэн түүхэн газар нутгийг холбосон дэд бүтцийг байгуулах, автозамаар холбох, олон улсын жишигт нийцсэн ашиглалтын менежмент нэвтрүүлж, хадгалах хамгаалах ажлыг үе шаттай зохион байгуулах болно. Энэ нь Их Эзэн Чингис хааны мэндэлсэн 860 жилийн ойг бүтээн байгуулалтаар угтсан түүхэн үйл хэрэг болох болно. 
Монгол Улс далайд гарцгүй орон. Хэдхэн хоногийн өмнө Монголчууд бид аймгийн төвүүдээ нийслэл Улаанбаатар хоттойгоо бүрэн холбож Тосонцэнгэл-Улиастай чиглэлийн Загастайн давааны 67 км автозамыг ашиглалтад оруулж чадлаа. 
 
Харин өнөөдөр түүхийн нэгэн шинэ хуудас нээгдэж, Монгол Улс бүх боомтоо автозамаар холбох томоохон зорилт дэвшүүлж хэрэгжүүлж эхэлсэн эхний 70 км автозамыг хүлээн авч буй түүхийг Бэрхчүүд маань бүтээж чадлаа. 
 
Өмнө нь 2-3 цаг явдаг байсан замыг бид нэг цагийн дотор туулж цаг хэмнэж, машин техникийн эвдрэл гэмтэл багасна. 
 
Монгол Улсын Засгийн газраас “Шинэ сэргэлтийн бодлого”-ын Боомтын сэргэлтийн хүрээнд нийт боомтуудаа автозамаар, стратегийн чухал ач холбогдолтой боомтуудаа төмөр замаар холбох нь экспорт, импортын урсгалыг нэмэгдүүлэх, аялал жуулчлал, ачаа тээврийн эргэлтийг сайжруулах боломжийг бүрдүүлэх болно.
 
Зам дагаж хөгжил ирдэг гэж Монголчууд бид ярьдаг билээ. Монгол Улсын Засгийн газар аймаг бүхэн өөрийн төсвийг бие даан бүрдүүлж, орон нутаг бие даан хөгжих бодлогыг бүх талаар дэмжиж, орон нутгийн идэвхтэй оролцоонд тулгуурлан төр хувийн хэвшлийн түншлэлээр хэрэгжүүлнэ.
 
Алтан шар зам өлзийтэй байж, Их эзэн Чингис хааны сүр хүч, сүлд хийморь Монгол орныг минь өнө мөнх тэтгэх болтугай. 
 
Та бүхэндээ удахгүй тохиох Ардын хувьсгалын түүхт 100, 101 жилийн ой, Үндэсний их баяр наадмын мэндийг дэвшүүлье.
 


1
angry
0
care
0
haha
1
liked
0
love
0
sad
0
wow

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.131.250.130
2022/07/04
0
0
Дорнод аймгийн ямар ч сум хатуу хучилттай зам бариагүй байхад Хэнтийгийн сумуудыг холбоно гэхээр төрд байгаа Хэнтийгийн хэдэн нөхдүүд хүчтэй байна
Хариулах
66.181.160.45
2022/07/04
0
0
гашуун сухайтын төмөр замаа хийлдээ поп хятадын тавиулаа. дан худлаа шаагаал үлгэр хуцаал энд тэнд тууз хайчлаад явах юм бүтэж байгаа нэг юм байхгүй псдаа.
Хариулах
59.153.113.43
2022/07/04
0
0
Хүн, ачааны ачааллыг тооцож байж зам бариа. Дарханы замаа эхлээд гүйцээчих. Дараа нь замын мөнгөөс идэж ууцгаа
Хариулах
Шинэ мэдээ
Эрүүл ирээдүйн төлөө "Colgate" брэнд Архангай аймгийн 700 гаруй хүүхдэд амны хөндийн үзлэг оношилгоог үнэ төлбөргүй хийлээ 11 цагийн өмнө
“Чухал амжилт” сургалтын төв мэргэжлийн ромбо, дипломтой төгсөх хагас жилийн ангидаа элсэлт авч эхэллээ 12 цагийн өмнө
Төрхүүг Нөмрөгийн Дархан цаазат газарт нь эргүүлэн тавилаа 13 цагийн өмнө
Хувийн цэцэрлэгүүдэд хамран сургах тойргийн нийт 10330 хүүхдийг нэмэлтээр элсүүлэн сургана 17 цагийн өмнө
В.А.Моцартын нэрэмжит ОУ-ын төгөлдөр хуурын тэмцээнээс алтан медаль хүртсэн Д.Эрдэмд "Шилдэг хүүхэд" алтан медалийг гардуулав 18 цагийн өмнө
Усны түвшин өмнөх өдрийнхөөс 10-45 см нэмэгдсэн байна 18 цагийн өмнө
ХӨСҮТ: 9 ажилтанд орон сууцны урьдчилгаа 20 сая төгрөг олгоно 18 цагийн өмнө
Дорнод аймаг орон нутгийн хадланчдыг дэмжиж ажиллана 18 цагийн өмнө
Сайжруулсан шахмал түлшний 70 мянга, мидлингийн 100 мянган тоннын нөөц бүрдүүлээд байна 19 цагийн өмнө
Завьт эргүүлийнхэн 51 хүний амь насыг авран хамгаалжээ 19 цагийн өмнө
Монгол Улсын Хөгжлийн Банканд ажиллахыг урьж байна 19 цагийн өмнө
Хараа голд хаягдал усаа шууд нийлүүлж байсан амралтын газрын үйл ажиллагааг түр зогсоожээ Өчигдөр
Н.Энхшүр: Нэг гэрээс хоёр хүн дэлхийн рекордыг байнга эвдээд байхаар олон улсын шүүгчид гайхдаг Өчигдөр
Нийслэлийн цэцэрлэгийн хамран сургах тойргийг танилцуулж байна Өчигдөр
Яармагийн нүхэн гарцыг угсарч дууссан тул замын хөдөлгөөнийг маргааш нээхээр төлөвлөж байна Өчигдөр
Л.Энх-Амгалан: Замын төлбөрийг галын хайчаар биш цахимаар авдаг болно Өчигдөр
ШТС-ууд ариун цэврийн байгууламжаа өөрчлөх шаардлагатай байна Өчигдөр
Төсөл гацаагчид 12 жил хоригдох буюу гацаасан төслийнхөө өртгийг төлөх торгуульд унадаг болно Өчигдөр
Л.Мөнхбаатар: Төр захиргааны зарим байгууллагыг Хөшигийн хөндий рүү нүүлгэх ЗГ-ын тогтоол эцэслэн батлагдлаа Өчигдөр
Иргэн Б: Хоёр хүүхдийнхээ тэжээгчээ алдсаны тэтгэмжээр сургалтын төлбөрийг нь төлдөг. Гэтэл банк зээл хязгаарлаж байна Өчигдөр