“Азийн манлайлагчдын чуулган 2022”-д УУХҮ-ийн дэд сайд О.Батнайрамдал оролцоно

БНСУ-ын Сөүл хотноо Азийн манлайлагчид чуулна.Дэлхийн 50 орны 380 орчим манлайлагч оролцох энэхүү чуулганы “Засгийн газрын манлайлал” сэдвийн хэлэлцүүлэгт УУХҮ-ийн дэд сайд О.Батнайрамдал уригджээ. Мөн тэрбээр “Зах зээлийн манлайлал” хэлэлцүүлгийн модератороор ажиллах юм байна. 

Азийн хамгийн томоохон энэхүү чуулганд БНСУ-ын Ерөнхий сайд Хан Дук Со, Япон Улсын Парламентын гишүүн, Либерал намын дарга Таро Коно, АНУ-ын дэд Ерөнхийлөгч асан Майк Пенс, АНУ-ын тэргүүн хатагтай асан Мишел Обама, Малайзын Ерөнхий сайд асан Махатир Мохамад нарын зочид уригджээ. 

“Азийн манлайлагчдын чуулган 2022”-ын үеэр улс орнуудын төлөөлөгчид ковидын дараах хямралыг хэрхэн даван туулах тухай туршлага, мэдээллийг солилцож, хамтын хүчээр даван туулах гарцыг хэлэлцэхээр төлөвлөжээ. Чуулган энэ сарын 12-14-ний өдрүүдэд болох юм байна.