ЗХ-ний 327-р анги: Хариуцсан дарга нар бүгд амарсан, нас барсан цэргийн талаар мэдээлэл өгөх боломжгүй

Дорнод аймагт байрлах Зэвсэгт хүчний 327 дугаар ангийн байлдагч  21 настай Х  нас барсан харамсалтай хэрэг гарчээ. Таалийгаач анх 2021 оны 10 сард цэрэгт татагдсан байна. Байлдагч хүүгийн ар гэр бидэнтэй холбогдож мэдээлэл өгсөн бөгөөд хамгийн сүүлд уржигдар буюу 4-ний өдөр утсаар холбоо барисан гэсэн юм. Харин талийгаач хүү өчигдөр буюу 5-ны өдөр амиа алджээ. 

Өчигдөр  байлдагчийн ар гэр лүү цэргийн ангиас холбогдон усанд живж амиа алдсан гэх мэдээллийг өгсөн байна.

Манай сурвалжлах баг Дорнод аймагт байрлах Зэвсэгт хүчний 327 дугаар анги дээрээс мэдээллийг авах гэсэн боловч хариуцсан дарга нар бүгд амарсан, нас барсан цэргийн талаар мэдээлэл өгөх боломжгүй гэх мэдээллийг өгч байна. Бид мэдээллийг үргэжлүүлэн тус аймгийн ОБГ- аас зарим зүйлийг тодруулах болно.