Б.Жавхлан: Бичлэгийг үзээд даруй зогсоосон, студийн найруулга санаанд хүрээгүй учир төлбөрийн асуудал байхгүй

НӨАТ-ын сугалааны талаар Сангийн яам бичлэг хийж олон нийтэд цацсан. Энэхүү бичлэг нь иргэдийг нийгмийн гарал үүсэл, хөрөнгө чинээгээр ялгаварлан гадуурхсан талаар иргэдийн шүүмжлэлд өртсөн.
Уг асуудалд Сангийн сайд Б.Жавхлан: Тухайн бичлэгийг үзээд даруй зогсоосон. Удахгүй эхлэх сугалаагаа сурталчлах төлөвлөгөөт ажил байсан юм. Манай залуус үүнийг зохион байгуулсан. Үзтэл алдаатай зүйлүүд орсон, ёс зүйгүй үг хэллэг багтсан байна лээ. Хамтарч ажилласан студийн найруулга, зохиол санаанд хүрээгүй. Гүйцэтгэл нь санаанд хүрээгүй учраас төлбөрийн асуудал байхгүй.