ТЦА: Долоон машин мөргөж, хоёр хүн гэмтээсэн автомашины жолооч “жолооны үнэмлэхгүй” байсан

Энэ сарын 10-ны өдөр Олимп хотхоны хойд замд долоон машин мөргөж, хоёр хүнийг мөргөж гэмтээсэн ноцтой осол гарчээ. Ослын талаар ТЦА-ны УСХ-ээс тодрууллаа.

Тээврийн цагдаагийн алба: Аравдугаар сарын 10-нд 18 цагийн үед БЗД-ийн Олимп хотхоны замд уг осол гарсан. Ланд-200 маркийн автомашин хоёр хүн мөргөн гэмтээж, долоон машин мөргөсөн. Жолоочийг драйгер үлээлгэхэд согтолт тогтоогдоогүй. Мөн мансууруулах бодис илрүүлэх тестээр шалгахад ямар нэгэн төрлийн бодис илрээгүй. Урьдчилсан байдлаар тухайн Ланд-200 маркийн автомашины жолооч жолооны үнэмлэхгүй байсан нь тогтоогдсон. Тус хэргийг ТЦА-ны тээврийн хэлтсийн мөрдөн шалгах хэлтэст шалгаж байна” гэлээ.