БЗС-гийн дарга Д.Гарди өөрийн зээлийг чөлөөлөх тухай тушаалыг биелүүлжээ

БШУ-ны сайд Л.Энх-Амгалангийн 2022 оны 3 дугаар сарын 14-ний өдрийн А/83 тоот тушаалаар нэр бүхий 40 суралцагчийн гэрээний биелэлтийг тооцож, сургалтын төлбөр, эрдэм шинжилгээний ажлын хамгаалалтын зардал болон амьжиргааны зардлын зээлийн төлбөрөөс чөлөөлөхийг Боловсролын зээлийн сангийн ажлын албаны дарга Д.Гардид даалгажээ. Уг тушаалд Д.Гарди даргын нэр мөн багтсан байна. Тэрээр ОХУ-ын ГХЯ-Дипломат Академид Олон улсын харилцааны чиглэлээр 2014-2016 онуудад суралцахдаа 32 мянган ам.доллар буюу 110 сая төгрөгийн зээл авсан байдаг юм. Мэдээлэлд ойр боломжоо ашиглан өөрсдөд болон хамаарал бүхий этгээдүүдэд зээл олгосон 200 гаруй тохиолдлын нэг юм.