Н.Алтанхуяг: Баривчлах үйл ажиллагааг тодорхой хуульчлан заахгүй бол хорьж аваад л дараа нь юм “наадаг”

Засгийн газраас Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслийг өргөн барьсан билээ. Уг хуулийн төслийн ажлын хэсэгт ажиллаж буй УИХ-ын гишүүн Н.Алтанхуяг дараах байр суурийг илэрхийллээ. 

УИХ-ын гишүүн Н.Алтанхуяг: "Ер нь бол одоо бид нарын хуулинд оруулах гол өөрчлөлт бол хэн нэгэн хүнийг шүүхийн шийдвэр байхгүйгээр барьж авч хорьсон хойноо нь шүүхийн шийдвэр гаргуулж авъя гэдгээ больчих хэрэгтэй. Өнөөдрийг хүртэл дэндүү замбараагүй л явж байна, хэвлэл мэдээллээр хүртэл энэ ингэж гэнэ гэж мэдээлчихээд л хуулийн байгууллага нь дуусгачихдаг. Хойшлуулашгүй нөхцөл байдал гэж юуг хэлэх вэ гэдгийг яг тодорхой болгох хэрэгтэй. Хойшлуулашгүй ажиллагаа гээд л барьж аваад хорьдог. Ямар үед хойшлуулашгүй байх вэ гэдгийг тодорхой болгох хэрэгтэй. Хүний эрхийг зөрчихгүй байх тал дээр нь ажиллах гэж байна" гэв. 

Бичлэгээр үзэх: