ДАРГАА ГЭР БҮЛТЭЙ НЬ ШАТААХ ГЭСЭН ЦАГДААД 20 ЖИЛИЙН ЯЛ ОНООЖЭЭ

АНУ-ын Нью-Жерси мужийн шүүхээс цагдаагийн албан хаагч 40 настай Майкл Дотрод 20 жилийн ял оноолоо. 2013 оны тавдугаар сарын 23-ны шөнө дунд Манаплан хотын иргэн Майкл Дотро Цагдаагийн газрын дарга Марк Андеркогийн байшинг галдаж, гэр бүлийнхнийх нь хамт шатаахыг оролджээ. Гэвч гал гарч эхэлмэгц анзаарч, Андеркогийн гэр бүлийг аварч чадсан байна.

Майкл Дотрог гэмгүй иргэдийн эсрэг хүч хэрэглэсэн тухай 11 гомдол ирсэн тул түүний дарга Марк Андерко сэтгэцийн эмчид хандахыг шаардаж, улмаар түр хугацаанд ажлаас нь түдгэлзүүлсэн аж. Үүнд өширхсөн Дотро даргаа гэр бүлийнхнийх нь хамт шатаахаар шийдснээ мэдүүлэгтээ хүлээжээ.

Шүүхийн шийдвэрийн дагуу шоронд 17 жил хоригдсоны дараагаар л Дотро хугацаанаасаа өмнө суллагдах талаар хүсэлт гаргах боломжтой юм байна. Мөн шоронгоос гарсныхаа дараагаар таван жилийн турш хяналт ажиглалт дор байх бөгөөд хохирогчийн талынхтай огт харилцаж, ойртож болохгүй гэж шүүхийн шийдвэрт тэмдэглэжээ.

М.Болджин