Өнгөрсөн долоо хоногийн гол дуулиан яах аргагүй Б.Хурцыг элчин сайдаар томилох асуудал байлаа. Хууль зүйн сайдынхаа булхайг дэлгэсэн ТЕГ-ын дарга хоёр гурван хоногийн дараа л ажлаасаа чөлөөлөгдөв. Хууль зүйн сайд Ц.Нямдоржийн хувьд өөрийнх нь тухай таагүй мэдээлэл хийснийх нь дараа л ажлаас нь хална. Бид хэдхэн цагийн дотор л түүнийг ажлаас нь чөлөөлчихөж чадна хэмээн "томорч" хэлсэндээ хүрч ажлаас нь чөлөөлөв.
Б.Хурц чөлөөлөгдөж, Гэрэл ТЕГ-ын дарга болсон дуулиантай зэрэгцэн хуучин даргыг Солонгос руу элчингээр томилох асуудал яригдаж, дуулиан дээр дуулиан дэгдэв. Түүнийг ийнхүү элчингээр томилох болсонтой холбоотойгоор эсэргүүцэх гишүүд гарч ирж, нээлттэй сонсгол явуулах тухай ч яригдаж, түүний томилгооны асуудал УИХ дээр яригдах үед гишүүд уламжлал ёсоор "сургааль, шүүмжлэлээ" хэлж байх явцад ТЕГ-ын дарга асан Б.Хурц "бяцхан бөмбөг" тэсэлсэн нь гал дээр тос нэмсэн үйл явдал болж, эрхэм гишүүд хоорондоо муудалцаж, бие биенээ доромжлох эхлэлийг тавьсан юм.
Хоолойгоо шахаж, чухал царай гарган сургааль юугаа шүүмжлэлтэй харамгүй хэлдэг гишүүд "Л.Болд гишүүний талаар ноцтой мэдээлэлийг ТЕГ-ын дарга асан цухас мэдээллэж "өөрөөс нь бол хойд солонгост хоёр залуу цаазлуулсан тухай" ярих үед" гишүүдийн царай ёстой л чөтгөр харсан аятай хувхай цайж, үг хэл нь ээдэрч, зарим нэг нь үг хэлэхээсээ ч эмээж, цааргалж эхэлсэн юмдаг.
Гэмт хүн гэлбэлзэнэ, Дайрт морь далбилзана гэж эртний мэргэдийн үг байдаг даа. Ямартай ч эрхэм гишүүдийн хувьд нэг "цохилт" олон хүний зүрхэнд цус хуруулах шиг болно лээ. Ямар сайндаа л эрхэм сайд хүртэл зүүдээ ярих гээд хулгайгаа ярив гэгчээр айснаа ийнхүү хэлж орхихов.
Эх сурвалж: Намсрайн Цэндбат хуудаснаас
Сэтгэгдэл (0)
Сэтгэгдэл бичигдээгүй байна