НАУРЫЗЫН БАЯРЫН БАРИЛДААНД АЙМГИЙН АРСЛАН Н.ЗОЛБОО ТҮРҮҮЛЛЭЭ

Казак түмний үндэсний НАУРЫЗ баярт зориулсан АЦЦБЗалуу бөхчүүдийн барилдаан өчигдөр Монгол бөхийн өргөөнд боллоо.

Барилдаанд 256 бөх зодоглосноос Баянхонгор аймгийн Баянбулаг сумын харьяат, хурц бадрангуй арслан Н.Золбоо найм даван түрүүлж, Хөвсгөл аймгийн Шинэ-Идэр сумын харьяат, аймгийн арслан Ц.Сандагдорж үзүүрлэв. Ийнхүү Н.Золбоо арслан өнгөрсөн намраас хойш таван барилдаанд зодоглож, дөрөв дэх түрүүгээ хүртлээ.

Их шөвөгт Сүхбаатар аймгийн Онгон сумын харьяат, аймгийн хурц арслан Ш.Мөнгөнбаатар, Хөвсгөл аймгийн Галт сумын харьяат, аймгийн арслан А.Давааням нар шалгарлаа.