ГИШҮҮДИЙН ЦАЛИНГ ХАСАХ САНАЛ ГАРГАСНААР ЧУУЛГАН ХААГДЛАА

УИХ-ын чуулганы нэгдсэн хуралдааны ирц бүрдээгүйн улмаас 6 дахь удаагаа хойшиллоо. Өнөөдрийн чуулганаар Ерөнхийлөгч Х.Баттулга үндэсний аюулгүй байдалтай холбоотойгоор сэдвээр үг хэлэх байсан ч ийн хуралдаж чадсангүй. Өнөөдрийн чуулганыг УИХ-ын дэд дарга Л.Энх-Амгалан удирдаж явуулах учиртай байсан. Тэрээр УИХ-ын даргын индэр дээрээс хэдэн гишүүн хуралдаа ирсэн, хэн хэн чөлөөтэй, хэд нь тасалсан талаар мэдээлэл өгч, ард иргэдээс уучлал гуйлаа. Мөн УИХ-ын дарга М.Энхболдыг захирамж гаргаж, шалтгаангүй ажлаа тасалсан гишүүдийн цалинг хасах санал гаргаснаар чуулган хуралдаж чадалгүй хаагдлаа.