2021/06/15
USD 2,811

ҮНДЭСНИЙ АУДИТ-ЫН ГАЗРЫН ДАРГА Д.ХҮРЭЛБААТАРЫГ АЛБАН ТУШААЛААС НЬ ЧӨЛӨӨЛӨХӨӨР БОЛЖЭЭ

Э.Билгүүтэй
2019/05/01

Үндэсний аудитын газрын дарга Д.Хүрэлбаатар жижиг, дунд үйлдвэрийг хөгжүүлэх сангийн зээлд нэр холбогдож хууль шүүхийн байгууллагад дуудагдах болсонтой холбоотойгоор албан тушаалаасаа түдгэлзээд байгаа.

Түүнийг өнгөрсөн арваннэгдүгээр сард УИХ-ын дарга М.Энхболд дуудаж албан тушаалаасаа чөлөөлөгдөхийг санал болгосон юм. Гэвч тэрээр албан тушаалаасаа чөлөөлөгдөхгүйгээр түдгэлзээд шалгуулах санал гаргасныг нь УИХ хүлээж авсан.

Түүнээс хойш багагүй хугацаа өнгөрсөн ч асуудал нь тодорхой болоогүй. Тиймээс түүнийг албан тушаалаас нь чөлөөлөхөөр болжээ. Тодруулбал, ирэх долоо хоногт Төсвийн байнгын хороо, чуулганы нэгдсэн хуралдаанаар Үндэсний аудитын газрын даргыг чөлөөлөх, томилох асуулыг хэлэлцэхээр төлөвлөөд байна.

Чөлөөлөх, томилох асуудлыг хамтад нь хэлэлцэхээр төлөвлөснөөс харвал УИХ-ын дарга тус газрын даргад хэнийг нэр дэвшүүлэхээ ирэх долоо хоногт тодорхой болгох бололтой.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна