Б.ЛХАГВАСҮРЭН АГСНЫ МОРИН ЗЭРЭГЛЭЭ НОМЫН НЭЭЛТ БОЛНО

Төрийн шагналт, Ардын Уран Зохиолч, яруу найрагч Бавуугийн Лхагвасүрэн агсны "Морин зэрэглээ" номын нээлт өнөөдөр 13.00 цагаас "Интерном" номын их дэлгүүрт болно.Уг номонд Б.Лхагвасүрэн агсны сүүлийн хоёр жилийн хугацаанд бичиж тэмдэглэж байсан тэмдэглэлийн дэвтэр дэх шүлэг, яруу найргууд багтсан бөгөөд өөрөө 20-30 хувийг нь бэлдэж эмхэтгэсэн байсныг түүний хүү, "Болор цом" наадмын тэргүүн шагналт яруу найрагч Л.Хасар үргэлжлүүлэн эмхэтгэж дуусгаснаар ийн уншигчдын хүртээл болоход бэлэн болжээ.

"Морин зэрэглээ" ном 2000 ширхэг хэвлэгдсэн байна. Уг номын нэрийг яруу найрагч Б.Лхагвасүрэн агсан өөрөө үлдээсэн байна. Түүнчлэн "Морин зэрэглээ" ном түүний сүүлийн ном биш, үүний дараа өөрийнх нь хүсч байснаар шинэ, залуу яруу найрагчдад зориулсан судалгааны ажлууд, гар бичмэлүүдийг нь эмхэтгэн хэд хэдэн ботиуд гаргах юм байна.

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 11 сарын 04  [ 66.181.169.162 ]
Зочин

Хасар хүүд нь баяр хүргье Сайхан аавын үргэлжлэл

Top