ЖАСТЫН Ш.БАТХҮҮГИЙН ГОМДЛЫГ ДАВАА ГАРИГТ ХЭЛЭЛЦЭНЭ

"Эрдэнэт" үйлдвэрийг "Стандарт" банкны барьцаанд тавьж, их хэмжээний зээл авсан гэх "Жаст"-ын Ш.Батхүүгийн давж заалдах гомдлыг Улсын Дээд шүүх энэ сарын 7-нд хэлэлцэхээр болжээ.

Ш.Батхүүд УМБГ-ын Эдийн засгийн гэмт хэрэгтэй тэмцэх хэлтсээс 2013 оны наймдугаар сарын 15-нд эрүүгийн хэрэг үүсгэсэн. "Стандарт" банкны өрийг барагдуулахгүй бол гуравдагч этгээдэд зарах эрсдэл, мөн гадна талд байгаа хөрөнгүүдийг хураах эрсдэл ч байсан тул төлөх нь зүйтэй юм гэсэн шийдвэрийг Монгол Улсын Засгийн газраас гаргасан. Энэ шийдвэрийн дагуу 40 сая ам.долларыг "Эрдэнэт" үйлдвэрийн Эрсдэлийн сангаас гаргаж банкны өрийг дараад байгаа билээ.

Эх сурвалж: Зууны мэдээ сонин