АН-ын зүгээс сонгуулийг холимог тогтолцоогоор явуулах саналыг Үндсэн хуульд оруулахаар эрчимтэй хөөцөлдөж байгаа. Тийм учраас Монгол Улсын Ерөнхийлөгчийн хоригийг УИХ хүлээж авах кноп дарахад тэд ухаангүй ихээр баярлаж байсан байдаг. Нэгдүгээр хэлэлцүүлгийн шатанд уг саналыг дэмжээгүй МАН-ынхан Үндсэн хуулийн өөрчлөлтөө батлахын тулд Ерөнхийлөгчийн шахалтаар энэхүү саналыг дэмжихээр тохирсон гэх мэдээлэл байна.
УИХ-ын гишүүн Д.Эрдэнэбат, УИХ-ын сонгуулийг пропорциональ тогтолцоогоор явуулснаар улс төрийн нам хариуцлагатай байж, төлөвшихөд нь чухал ач холбогдолтой гэдгийг онцолж байсан бол УИХ-ын гишүүн Т.Аюурсайхан, Ж.Мөнхбат, Ц.Даваасүрэн нарын гишүүд улс төр цэвэршсэн, улс төрийн намууд нь хариуцлагатай, төлөвшсөн, иргэдийн хараа хяналт сайжирсан үед УИХ-ын сонгуулийн холимог тогтолцоог дэмжиж болно. Яг энэ цаг үед пропорциональ тогтолцоог дэмжиж болохгүй гэдэгт МАН-ын бүлгийн гишүүд санал нэгдэж байсныг эргэн сануулж байна.
Тойрогт нэр дэвшээд гарч чадахгүй, улс төрд олон жил болсон гишүүд намын нэрээр "жагсаалтаар" эргэн сонгогдох нүхээ ийнхүү малтжээ.
Сэтгэгдэл (0)
Сэтгэгдэл бичигдээгүй байна