Корэйн эйр компанийн ажилтанд бэлгийн дарамт учруулсан хэргээр шалгагдаж буй ҮХЦ-ийн дарга Д.Одбаяраас хоёр дахь удаагийн байцаалтыг Солонгосын цагдаагийн газраас авч байна. Өчигдөр /2019.11.06/ өглөөний 10:35 минутаас эхэлсэн мөрдөн байцаалт шөнийн 00 цаг хүртэл буюу 14 цаг үргэлжилсэн тухай Солонгосын хэвлэлүүд мэдээллээ.
Байцаалт түүний өмгөөлөгч болон консулын газрын оролцоотой явагдсан байна. Мөрдөн байцаалтын үеэр сэжигтэн Д.Одбаяр нь хэргийн талаар зарим зүйлийг хүлээн зөвшөөрсөн тухай цагдаагийн байгууллагаас мэдээллэсэн байна.
Байцаалтын дараа түүнийг хорихоор болсон ба энэ сарын 6-ны өдрөөс 15-ны өдөр хүртэл хорих юм. Энэ хугацаанд нэмэлт байцаалт явуулна гэж үзэж мэдэгджээ.
Байцаалт дуусах үед Сологосын маш олон хэвлэл ирсэн байсан бөгөөд тэрбээр хэвлэлүүдээс зайлсхийж 30 минутын дараа машины зогсоол руу гарсан боловч сэтгүүлчид түүнийг хүлээсэн хэвээр байсан учир бүх л хэвлэлийн дуранд өртжээ.
Солонгосын сэтгүүлчид түүнээс "Эмэгтэй ажилтанд бэлгийн дарамт үзүүлсэн нь үнэн үү?" гэх асуултыг асууж байсан бөгөөд тэрбээр хариулж чадалгүй машиндаа суужээ. Солонгосын цагдаагийн зүгээс нэмэлт мөрдөн байцаалт явуулах тул одоогоор мэдээлэл өгөхөөс татгалзсан тухай эх сурвалж мэдээлж байна.
Сэтгэгдэл (0)
Сэтгэгдэл бичигдээгүй байна