Төрийн албаны автомашиныг хувьдаа ашигладаг, хүүхдээ зөөдөг дарга нарын асуудлыг дэлгэн, баримтжуулсаар байгаа билээ. Мэдээллийн мөрөөр албаны автомашинаар хүүхдээ зөөлгөдөг дарга нарын хуулийн зөрчилтэй үйлдэл байсаар байгаа нь ил боллоо. Авто тээврийн үндэсний төвийн албан хэрэгцээний "01-43 УБЗ" улсын дугаартай автомашинаар "Orchlon international school"-ийн гадаа хүүхэд буулгасан дүрсийг баримтжуулсан байдаг. Тэгвэл "01-43 УБЗ" улсын дугаартай автомашиныг АТҮТ-ийн санхүүгийн хэлтсийн дарга ашиглаж байгаад Төрийн өмчийн бодлого зохицуулалтын газарт шилжүүлжээ. Төрийн байгууллагаас өөр төрийн байгууллага руу шилжсэн "01-43 УБЗ" улсын дугаартай албаны автомашин нь Төрийн өмчийн бодлого зохицуулалтын газрын хуулийн хэлтсийн дарга А.Ариунболдын нэр дээр байдаг гэдгийг баттай эх сурвалж мэдээлсэн юм.
Сэтгэгдэл (0)
Сэтгэгдэл бичигдээгүй байна