Албаны автомашиныг амин хувьдаа ашигласан төрийн алба хаагчдын эгнээнд Авлигатай тэмцэх газрын Мөрдөн шалгах хэлтсийн дарга Х.Буянтүмэн жагсаж байна. Түүний албан хэрэгцээндээ ашигладаг 01-94 УБҮ улсын дугаартай автомашин нь 2019.11.11-ний өдөр Монгол Оросын хамтарсан гуравдугаар сургуулийн гадаа хүүхэд буулгасан юм. Х.Буянтүмэн нь 2019 оны тавдугаар сарын 7-ны өдрөөс АТГ-ын Мөрдөн шалгах хэлтсийн даргаар ажиллаж байна.
Х.Буянтүмэн нь эрх зүйч мэргэжилтэй, хууль зүйн ухааны магистр цолтой. Говьсүмбэр аймгийн цагдаагийн хэлтэст мөрдөн байцаагч, ахлах мөрдөн байцаагч, тасгийн дарга, Улсын мөрдөн байцаах газарт ахлах мөрдөн байцаагч, Сонгинохайрхан дүүргийн цагдаагийн хэлтэст тасгийн дарга, Улсын мөрдөн байцаах газарт чиглэлийн ахлах мөрдөн байцаагч, хэлтсийн дарга, Нийслэлийн цагдаагийн газарт чиглэлийн ахлах мөрдөн байцаагч, тасгийн дарга, Зохион байгуулалттай гэмт хэрэгтэй тэмцэх газарт хэлтсийн дарга, Мөрдөн байцаах газарт хэлтсийн дарга, Цагдаагийн ерөнхий газрын Мөрдөн байцаах албаны дэд дарга, Цагдаагийн ерөнхий газрын Аюулгүй байдлын хэлтсийн даргаар ажиллаж байсан нэгэн юм.
Сэтгэгдэл (0)
Сэтгэгдэл бичигдээгүй байна