Хилийн чанадад хулгайн анхааруулга хуудаст зурагтайгаа заларсан монголчууд


Эх орноосоо хол буюу хилийн чанадад 180 мянга орчим монголчууд сурч, ажиллаж байгаа судалгаа мэдээлэл бий. Тэдний 50 мянга нь БНСУ-д, 40 мянга нь Европын орнуудад, 40-50 мянга орчим нь АНУ-д амьдардаг бол үлдсэн 40-50 мянга нь бусад орнуудад суурьшдаг.

Хилийн чанадад суугаа монголчууд хүний нутагт бусдын амь насыг аварч, тухайн улсын томоохон үйлдвэр, байгууллагуудад манлайлан ажиллаж, бусдад үлгэр дууриалал болж байгаа сайхан мэдээлэл элэг нэгтнүүдээ баярлуулж бахархуулдаг. Гэхдээ энэ сайхан мэдээг сүүлийн үед дэвслэх болсон мэдээлэл бол хиоийн чанад дахь монголчууд гэмт хэрэгт холбогдох, ялангуяа дийлэнх нь хулгайн хэргээр баригдан, шалгагдаж байгаа нь гадны хэвлэлүүдээр мэдээлэгдэж, харь оронд ажиллаж суралцаж байгаа бусад монголчуудынхаа нүүрийг улалзуулж байна.

Хамгийн сүүлд гэхэд л, өнгөрсөн аваннэгдүгээр сарын 15-ны өдөр Вьетнам улсын Хо Ши Мин хотод Монгол Улсын зургаан иргэн хулгай хийж байгаад үйлдэл дээрээ цагдаагийн алба хаагчдад баригдан, саатуулагдсаныг бид мэдээлж байсан. Тэгвэл тэдний үйлдлийг Д.Гантөмөр, С.Ганхуяг, С.Анхбаяр, Г.Алтанхуяг, Я.Наранбат гэх иргэд давтан хулгай хийж байгаад баригдсан талаар тус улсын хэвлэлүүд мэдээлжээ.

49 настай Д.Гантөмөр нь өмнө нь ч мөн хулгайн хэрэг үйлдэж, шалгагдаж байсан бөгөөд тодруулбал, Камбож улсын дэлхийн соёлын өвд бүртгэгдсэн "Анкор Ват" сүмд хулгай хийж байгаад баригдсан тул тус сүмийн хананд түүний зураг хулгайн анхааруулгатай заларсан байдаг аж. Тэрбээр энэ удаа мөн л Ханой хотод жуулчдын эд зүйлийг хулгайлсан хэргээр саатуулагдаад байгаа аж.

23 настай С.Анхбаяр, 32 настай Г.Алтанхуяг нар мөн л Ханой хотод Японы болон Израйль жуулчдын эд зүйлийг хулгайлсан хэргээр саатуулагдан, хэргээ хүлээгээд байгааг хэвлэлд мэдээлжээ. Япон жуулчны хэтэвчинд 13 мянга орчим иень байсан бол Израйлийн иргэний хэтэвчинд 620 мянган вьетнам дон байсан ба тус улсын цагдаагийн газарт ийм их хэмжээний мөнгөн дүнтэй хулгайн хэрэг бүртгэгдэж байгаагүй мэдээлжээ.

Харин 37 настай Я.Наранбат, 33 настай Б.Шинэбаяр нар нь Вьетнамын Да Нанг хотын цагдаагийн газарт бүлэглэн хулгайн гэмт хэрэг үйлдсэн хэргээр саатуулагдсан ба жуулчдын хэтэвчийг хулгайлж, төлбөрийн карт хувилан тооцоо хийж, гар утас, үнэт эдлэл зэрэг зүйлсийг худалдан авснаа Монголд ирээд зарж, борлуулдаг байжээ.

2019 оны эхээр хэсэг бүлэг монголчууд Вьетнамд орон сууц түрээслэн амьдарч эхэлсэн бөгөөд тэдний үйлдэл сэжигтэй байсан тул тус улсын цагдаа нар хяналтдаа байлгадаг байжээ. Харин өнгөрсөн 11 дүгээр сард нэгэн эмэгтэй жуулчин эд зүйлсээ алдсанаа цагдаад мэдүүлснийг шалгахад тухайн монголчууд хулгайлсан нь тогтоогдсон байна. Ийнхүү шалгалтын ажиллагаа үргэлжлэн явагдахад тэд жуулчид ихтэй газраар мотоцикл түрээслэн явж, хулгай хийгээд хулгайлсан эд зүйлсээ борлуулан бэлэн мөнгө болгох, эсвэл монгол руу явуулах зэргээр мөнгө олдог байснаа мэдүүлээд байгаа юм байна.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 7 цагийн өмнө
Ирэх сард ихэнх нутгаар хүйтэн байна 8 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 9 цагийн өмнө
Зам засварын ажил ирэх сарын 10-наас эхэлнэ 10 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 10 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 12 цагийн өмнө
Сурагчид өнөөдөр хичээллээд амарна 12 цагийн өмнө
Танилц: Өнөөдөр цахилгаан хязгаарлах байршлууд 12 цагийн өмнө
Ойрын хоёр хоногтоо салхитай хүйтэн байна 12 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр