Харцага Ө.Даваабаатар: Допинг нь эцэслэн тогтоогдсоны дараа зарладаг байгаасай


Манай сурвалжлах баг Спортын төв ордонд болж байгаа бөхчүүдийн сагсны тэмцээнээс сурвалжлан ажиллаж байна. Бөхчүүдийн допингийн асуудлаар Харцага Ө.Даваабаатарын байр суурийг сонслоо.

Тэрбээр "Допинг нь эцэслэн тогтоогдсоны дараа зарладаг байгаасай  Допинг хэрэглэсэн үгүйг нь маш сайн шалгаад тогтоох ёстой. Үгүй бол бөхчүүдийг харлуулах явдал бас харагдаж байна. Асуудлыг шалгаж, эцэслэн шийдсэний дараа мэдээллийг гаргаж, хариуцлага тооцдог байх хэрэгтэй байх. Хууль хяналтын байгууллагын шалгалт удаашралтай байгаа нь асуудал шийдэгдэхэд их муугаар нөлөөлж байна. Хурдхан шалгаад, хариуцлага тооцвол тооцоод үгүй бол бусдын нэр төрийг сэргээж өгөх нь зүйтэй" гэлээ. 

-Та допингтой холбоотой асуудлаар ямар байр суурьтай байна вэ?

-Би өөрөө ч улсын цол аваад шинжилгээ өгөөд явж байсан. Ер нь хяналтаа сайжруулах хэрэгтэй юм байна гэж боддог. Тэгэхгүй хэдэн эмч нар л зогсож байдаг. Тэдэнтэй хамт хууль хяналтынхан, цагдаа нар хэн байх боломжтой юм тэр хүмүүс цуг байж авсан нь дээр гэж боддог. Тэгээд одоо ингээд Э.Оюунболдын асууудал гарч ирээд, маргаан үүдээд байна. Миний бодлоор бол асуудал яг 100 хувь шийдэгдээгүй байхад МУ-ын аварга хүнийг ингэж хэмлээд, сайн муу хэлээд, нутаг усаараа талцаад байх шаардлага байна уу үгүй юу. Сайн мэдэхгүй л байна. Яг хэрэглэсэн хэрэглээгүй гэдгийг одоо шалгаад л явж байгаа юм байна лээ шүү дээ. Тэгээд яг нарийн шалгаад буруутайг нь тогтоосны дараа хариуцлагыг нь хүлээлгээд явдаг баймаар. Тэгэлгүйгээр шийд гараагүй байхад бөхчүүдээ харлуулаад байгаа юм харагдаад байх шиг байна. 100 хувь шийдсэний дараа л тэр хүндээ хариуцлагыг нь хүлээлгээд буруу зөрүүг нь засах хэрэгтэй.

-Гэхдээ Э.Оюунболд, Д.Цэрэнтогтох нарыг допинг хэрэглэсэн гээд зарлачихсан байгаа шүү дээ.

-Зарлах нь зарласан. Хамгийн гол нь цаад хүн нь гүтгэгдээд байна гэсэн үндэслэлээр хууль хяналтын байгууллагад шалгуулах гээд өгчихсөн байгаа юм байна шүү дээ. Тэгээд үүнийг нь шийдээгүй байхад нэгнийгээ ингэвэл тэгнэ, тэгвэл ингэнэ гээд л ... Тэр чинь бас л хүн, бөх  хүн шүү дээ. Сэтгэл санааны хувьд ч хэцүү байгаа шүү дээ. Ер нь бол яг тогтоогдоогүй байхад нь нэгнийгээ битгий ингээчээ л гэж би бодож байна. ...Ер нь бол том цолтой бөхчүүд зааланд барилдаад доогуур унадаг ч юм уу, асуудал их байдаг. Тэр болгонд “Манай бөхчүүд муу байна”, “Аваргууд муу байна” гэхээс илүүтэйгээр залуучуудыг допинг энэ тэрийн асуудлаас хол байлгах хэрэгтэй. Тэгэхээр залуучуудаа бас давхар хянаж байх нь зөв юм болов уу гэж бодож байгаа. Тэгэхгүй бол залуучууд зааланд аягүй сайн барилдаж байснаа гэнэт алга болчихдог. Турж эцээд янз бүр болдог... Дотор нь байгаа бид нарын нүдээр тэгж харагдаад байдаг хэрэг. Тэгэхээр тэр залуучуудыг яаж допингоос хол байлгах вэ, яаж эрүүл байлгах вэ? ... Бэлтгэл сургуулилт дээр хэтэрхий их төмөр өргөөд, штанг өргөөд янз бүрийн юм хэрэглэх нь зөв юм уу? Эсвэл их спортоороо явах нь зөв юм уу? гээд бөх хүний нүдээр харахад дотор нь асуудал олон бий л дээ. Тиймээс шинжилгээнд аймгийн цолтой аль болох олон хүн хамруулдаг болоод бас хариуг нь хурдан гаргачихдаг болгож болдоггүй юм бол уу? л гэж бодож байна. Хариу нь хурдан гардаг бол тухайн үед нь хариуцлагыг нь тооцоод явчихвал дээр юм бол уу гэж бодож байна. Тэгэхгүй өчнөөн сараар алга болчоод хэдэн хүний нэр зарлачихдаг.Тэгээд бөөн маргаан хэрүүл дагуулаад байдаг.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 2 цагийн өмнө
Ирэх сард ихэнх нутгаар хүйтэн байна 3 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 4 цагийн өмнө
Зам засварын ажил ирэх сарын 10-наас эхэлнэ 5 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 6 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 7 цагийн өмнө
Сурагчид өнөөдөр хичээллээд амарна 7 цагийн өмнө
Танилц: Өнөөдөр цахилгаан хязгаарлах байршлууд 7 цагийн өмнө
Ойрын хоёр хоногтоо салхитай хүйтэн байна 7 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 23 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр