Б.Болдсайхан: Сэхээнд байгаа 88 настай иргэн өмнө нь коронавирусээр өвдөөд эдгэсэн ч байж болно

Улаанбаатар Сонгдо эмнэлгээр үйлчлүүлж байсан хоёр иргэний цусанд түргэвчилсэн шинжилгээгээр хоёр удаа шинжилгээ авахад эерэг гарсан талаар тус эмнэлгийн Ерөнхий эмч Б.Болдсайхан мэдээлэл өглөө. Тэрбээр хэлэхдээ, вирус байгаад эдгэсэн байж ч болно. Одоо байсаар байгаа ч байж болно. Учир нь хоёр удаагийн шинжилгээгээр эерэг гарсан. 

ХӨСҮТ-өөс PCR-ийн шинжилгээ авч, сөрөг гарсан. Эмнэлэгт нийт 345 хүн байсныг тусгаарлаж, халдвар хамгааллын хувцас хэрэгсэл, ариутгалын бодис өгсөн. Мөн хүн бүхэнд хоол ундаар хангасан. Шөнө 02.04 цагт PCR шинжилгээний хариу сөрөг гарсныг ХӨСҮТ-өөс мэдэгдсэн. Манай эмнэлгээр үйлчлүүлж байсан иргэдээс уучлал хүсэж байна. Айлгаж түгшээсэн үйлдэлдээ.