НҮБ-аас хоригийг цуцлахыг хүслээ

Венесуэлийн канцлер Хорхе Арреаза “Хамгийн багадаа 10 орон НҮБ-аас коронавирусын талаар нэн тэргүүнд боловсруулж байгаа арга хэмжээнд тус байгууллагын хүний эрхийн дээд коммисар Мишель Бачелетээс энэ орнуудад тавьсан хоригийг цуцлах асуудлыг багтааж өгөхийг хүссэн” гэж мэдээлжээ. Тэрээр “Камбож, БНХАУ, Куба, Солонгос, Иран, Никарагуа, ОХУ, Сири, Венесуэл, Зимбабве улс гарын үсэг зурснаас гадна энэ орнуудын Засгийн газар эдийн засаг, санхүүгийн салбарт тавьсан хориг нь хүний эрх болон хөгжилд нь хохирол учруулж байгааг зөвшөөрсөн мэдэгдлийг цахим орчинд нийтэлсэн байна. Мэдэгдэлд “Бидний уриалгад анхаарч олон оронд тархаад байгаа коронавирустай тэмцэх нэгдсэн компанит ажлыг сурталчлах гол алхам нэг орноос тавьсан хатуу хоригийг устгах болон олон орны эв нэгдлийг дэмжих арга хэмжээг хэрэгжүүлж батална гэж хатагтай дээд комиссар, танд итгэж байна” хэмээн онцолжээ. Мөн НҮБ-ын ерөнхий нарийн бичгийн дарга Антонио Гутерриш өнгөрсөн сарын 24-нд Их 20 бүлгийн гишүүн орны төр, засгийн тэргүүн нарыг дэлхийн улс орнуудыг энэ халдварт өвчинтэй тэмцэхэд нэн тэргүүнд хэрэгтэй бараа, эмнэлгийн багаж хэрэгсэл, хоол хүнсээр хангахад саад болж байгаа хоригийг цуцлахыг уриалсан байна.