Өнөөдөр Сөүл-УБ чиглэлийн транзит нислэгээр 273 хүн эх орондоо ирнэ

УОК-оос гаргасан шийдвэрийн дагуу АНУ, Европ, Зүүн өмнөд Азид байгаа иргэдээ татан авахаар гурван тусгай нислэгийг хийх гэж байна. 

04-р сарын 30-нд Сөүл-УБ /транзит/ чиглэлд Нийт 7 улсаас 273 зорчигч, 

05-р сарын 01-нд Сөүл-УБ чиглэлд Нийт 271 зорчигч, 

05.02-нд Франкфурт-УБ /транзит/ чиглэлд Нийт 13 улсаас 263 зорчигчдыг тус тус ирүүлэхээр болсон.

Үндсэн таван шалгуураас гадна иргэдийн хүсэлт, оюутнуудын нөхцөл байдлаас шалтгаалаад оюутнуудыг хамруулахаар болсон. Оюутны байргүй болсон болон бусад шалтгаантай оюутнуудыг авчирна. Мөн БНСУ-ын Хууль зүйн яамнаас визийн хугацаа хэтрүүлээд сатуулах байранд байгаа 33 иргэн, өршөөлийн аянд хамрагдаж байгаа 200 гаруй иргэнээс боломжоороо аваач гэсэн хүсэлт тавьсныг харгалзан үзсэнийг ГХЯ-ны консулын газрын дарга хэллээ.

Транзит нислэг хоорондын зай 24 цагаас илүүгүй байх шаардлагыг БНСУ-ын тал тавьсан. Гадаадаас халдвар импортлогдох тохиолдол нь их байгаа учир ийнхүү сэргийлэх үүднээс шийдвэр гаргажээ. Тиймээс 24 цагаас илүү хугацаатай тразит хийх зорчигчид явах боломжгүй болж байгаа талаарх мэдээллийг өглөө.