СЕХ-ны гишүүнээр ЦЕГ-ын дарга С.Баатаржавыг томиллоо

УИХ-ын өнөөдрийн чуулганы нэгдсэн хeралдаанаар Сонгуулийн ерөнхий хорооны гишүүдийг чөлөөлөх, томилох эсэх асуудал хэлэлцлээ.

Тухайлбал, Сонгуулийн ерөнхий хорооны орон тооны бус гишүүн Р.Содхүү, Ө.Энхтөр нарыг хүсэлтийнх нь дагуу чөлөөлж, оронд нь ЦЕГ-ын дарга С.Баатаржав, УБЕГ-ын дарга Б.Баасандорж нарыг Сонгуулийн ерөнхий хорооны орон тооны бус гишүүнээр томиллоо.

Тэдний нэрийг УИХ-ын Төрийн байгуулалтын байнгын хорооноос санал болгосон байна. 

С.Баатаржавын товч танилцуулга:

Боловсрол:

Цагдан сэргийлэх дээд сургууль ОХУ-ын Дотоод явдлын яамны удирдлагын академи МҮДС хууль зүйн магистр

Мэргэжил:

Эрх зүйч, төрийн удирдлагын менежер

Ажлын туршлага:

Төв аймгийн цагдаагийн газарт мөрдөн байцаагч, эрүүгийн төлөөлөгч, эрүүгийн ахлах төлөөлөгч, Сэлэнгэ аймгийн цагдаагийн хэлтэст Хөтөл тосгон дахь сум дундын цагдаагийн тасгийн дарга, Дархан-Уул аймгийн Засаг даргын дэргэдэх цагдаагийн газарт Эрүүгийн ажил эрхэлсэн дэд дарга, Цагдаагийн ерөнхий газрын Хяналт шалгалтын тусгай тасагт зохион байгуулагч, Дархан-Уул аймгийн цагдаагийн газрын дарга, Нийслэлийн цагдаагийн газрын дарга, Улсын мөрдөн байцаах газрын дарга, Сэлэнгэ аймгийн цагдаагийн газрын дарга, Цагдаагийн ерөнхий газрын тэргүүн дэд дарга, Цагдаагийн ерөнхий газрын дарга, Хууль сахиулахын их сургуулийн захирлаар ажиллаж байсан.