Шүүгдэгч Б.Махбалд холбогдох хэргийн шүүх хурал хойшлогдлоо

Сүхбаатар дүүргийн эрүүгийн хэргийн анхан шатны шүүхэд шүүгдэгч Б.Махбалд холбогдох эрүүгийн хэргийн гэм буруугийн шүүх хуралдаан өнөөдөр эхэлсэн юм.

Шүүх хуралдаанд шүүгдэгчийн өмгөөлөгч нараас хохирол төлбөр төлөх тав хоногийн завсарлага авах хүсэлт гаргажээ. Шүүх уг хүсэлтийг хүлээн авч, дараагийн шүүх хуралдааныг энэ сарын 15-нд 08:30 цаг хүртэл хойшлууллаа гэж Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газраас мэдээлэв.

Зам, тээврийн хөгжлийн яамны газрын дарга нар нэгнийхээ аминд хүрсэн хэрэг 2018 оны наймдугаар сард гарсан билээ. Уг хэрэгт яллагдагчаар татагдсан Б.Махбалын гэм буруугийн шүүх хуралалдаан хамгийн анх 2019 оны нэгдүгээр сарын 18-нд товлогдож байсан Түүнээс хойш 9-10 удаа шүүх хуралдаан хойшилж, хэргийг хоёр удаа прокурорын хяналтад буцааж байжээ.