2020/05/25
USD 2,773

Дахин 2 хүн эдгэрч, нийт эдгэрсэн хүний тоо 30 боллоо

О.Шүрэнцэцэг
2020/05/23

ЭМЯ-ны газрын дарга Д.Нарангэрэл: Манай хөрш ОХУ-д өвчлөл нэмэгдсэн байна. Манай олон аймагтай хил залгаа бүсүүдэд өвчлөл нэмэгдэж байна. Монгол Улсад одоогоор 1394 хүн ажиглах байранд байна. 24 цагийн хугацаанд 119 дугаарт 119 хүн хандсан байна. Шуурхай аппликэйшнд 11 хүн хандаж зөвлөгөө авсан байна. Хүн бүр амны хаалтаа тогтмол зүүж, гараа тогтмол угаах хэрэгтэй.

ХӨСҮТ-ийн ерөнхий захирал Д.Нямхүү "Тавдугаар сарын 22-нд ХӨСҮТ-ийн хоёр лаборатори, Дархан-Уул аймгийн салбар лабораторид нийт 188 хүнд шинжилгээ хийхэд бүгдэд нь коронавирусийн халдвар илрээгүй.

Тодруулбал,

  • ХӨСҮТ-д тусгаарлагдсан 3
  • Дархан-Ууд аймагт тусгаарлагдсан 11 хүний давтан шинжилгээ
  • Тандалтын зорилгоор 17 сорьц (Тандалтын сорьцыг Улсын Нэгдүгээр төв эмнэлэг болон Гуравдугаар эмнэлэг, дүүргүүдийн нэгдсэн эмнэлгээс цуглуулжээ)
  • Энхийн сахиулагч 113 хүнд шинжилгээ хийхэд коронавирус илрээгүй. 

Дархан-Уул аймагт ачаа тээврийн 42 жолооч, аймгийн нэгдсэн эмнэлэгт тусгаарлагдсан 2 хүн нийт 44 хүнд шинжилгээ хийсэн байна. Ингэхэд коронавирус илрээгүй" гэв

Мөн өнөөдөр ХӨСҮТ-өөс хоёр оюутан эдгэрч гарч байгааг тэрбээр дуулгалаа.Эдгэрч гарч буй оюутнууд 37 ба 39 хоног эмчлүүлж, эдгэрлээ. Тэднийг дараагийн шатны ажиглалтад шилжүүлэх юм.