УОК-ийн өргөтгөсөн хуралдаан яг одоо төрийн ордонд болж байна. Өнгөрсөн хугацаанд Коронавирусийн асуудлаар УОК 21 удаа хуралдсан.
МУ-д өнөөдрийн байдлаар коронавирусийн халдвар авсан 141 иргэн бүртгэгдсэний 33 –ыг нь бүрэн эмчилж, эмнэлгээс гаргаад байгаа юм.
Өнгөрсөн хугацаанд 62 510 иргэнийг гадаад улсаас эх оронд нь татан авсан байна. Өнөөдрийн байдлаар дэлхийн 46 улсаас 11275 иргэн эх орнодоо ирэхээр хүсэлтээ гаргасан байна.
Иргэдээ татан авах ажлыг цаашид үргэлжлүүлнэ. Гэхдээ тусгаарлах байрны багтаамж, тээврийн хэрэгслийн хүрэлцээг харгалзан ээлж дараатайгаар иргэдээ авна.
Бид хориглох, хязгаарлах тактикаас илүүтэй сөрж довтлох тактикийг баримтална. Ингэхдээ эрсдэл өндөртэй орнуудаас иргэдээ татаж, нүүрс тээврийг явуулж, сргалтын төвүүдийг нээснээр илэрч байна.
Бид вирусийн халдварыг дотооддоо алдалгүй өнөөдөрт ирлээ.
Өндөр эрсдэлтэй нөхцөлд ажиллах хууль, эрхзүйн орчин бүрдсэн гэж үзэж байна. Дэлхийд цар тахал болсон өвчнийг дотооддоо алдалгүй байхад дэмжлэг үзүүлсэн олон улсын байгууллагуудыг тэмдэглэж байна.
ДЭМБ-аас ирүүлсэн мэдээгээр “Эрсдэл улам өндөрсөж байна. 2020.05.25-ны байдлаар цар тахал 2132 орны 5 сая 486 216 хүн халдвар авсан байна. АНУ-д 99 300 хүн амиа алдсан байна.
Сэтгэгдэл (0)
Сэтгэгдэл бичигдээгүй байна