Ч.Хүрэлбаатар: 20391 иргэний ипотекийн зээлийг хойшлуулсан байна

Хувийн хамгаалах хэрэгсэлд 3.2 сая ширхэг, 33 нэр төрлийн эм эмнэлгийн хэрэгсэл 18700 ширхэг, амьсгалын аппарат 72 ширхэг гэгчлэн худалдан авсан. ҮҮнд 213.7 тэрбум төгрөг зарцуулсан. Улсын төсвөөс ЭМ-ийн салбарын хөрөнгө оруулалтыг санхүүжүүлж байна.  Коронавирусийн оношилгоонд зориулж бодисуудыг гаалийн болон НӨАТ-аас чөлөөлсөн.  

Иргэдийн орлогыг хамгаалах чиглэлээр, Хувийн хэвшилд ажиллаж байгаа иргэдээс орлогын албан татвар авахгүй шийдвэр гарсан. 318 388 иргэнийг орлогын албан татвараас чөлөөлөөд байна.  НӨАТ-ын буцаан олголтод 35.6 тэрбум төгрөг олгосон.  20391 иргэний ипотекийн зээлийг хойшлуулсан байна. Арилжааны банк 32 мянган иргэний 320.4 тэрбум төгрөгийн хэрэглээний зээлийг хойшлуулсан. 

Халамжийн сангаас тэтгэвэр авдаг иргэдийн тэтгэврийг 100 мянгаар нэмэгдүүлж, 64 200 иргэний тэтгэврийг нэмэгдүүлж, 18.2 тэрбум төгрөгийг зарцуулаад байна.  241 мянган иргэнд хүнсний талоныг 5 сарын хугацаанд сар бүр хоёр дахин нэмэгдүүлж олгож байна. 241 937 иргэнд хүнс тэжээлийн дэмжлэг хоёр дахин нэмэгдүүлж олгосон. 1.1 сая хүүхдэд 6 сарын хугацаанд сар бүр 100 мянган төгрөг олгож, 4, 5 дугаар сард 1 144 630 хүүхдэд олгоод байна. ААН-үүдийг дэмжих чиглэлээр 6 сарын хугацаанд ОАТ-аас чөлөөлсөн. Нэг сарын хугацаанд 104 245 ААН орлогын албан татвараар чөлөөлүүлсэн байна. НДШ-ээс 37362 ААН-ийг чөлөөлсөн.