Л.Мөнхтүшиг: Солонгос, Токио, Зүүн-Өмнөд ази руу тусгай нислэг үйлдэхээр төлөвлөж байна

ГХЯ-ны Консулын газрын дарга Л.Мөнхтүшиг гадаадад байгаа иргэдээ татан авах ажиллагаатай холбоотойгоор мэдээлэл өглөө. Тэрээр “УОК ЗГ-ын шийдвэрээр иргэдээ шат дараатай татан авах ажлыг зохион байгуулж байна. ОХУ-аас иргэдээ татан авах үйл ажиллагаа эхлэсэн. Өнөөдөр өглөө агаарын замаар 170 иргэн ирсэн. Тавдугаар сарын 26, 27-ны өдрүүдэд алтанбулаг боомтоор ОХУ-аас нутаг буцах хүсэлтэй бусад оюутан залуучуудыг татан авах ажиллагааг зохион байгуулж байна. Алтан булаг боомтоор 594 оюутан орж ирнэ гэсэн тооцоотой байна. Тэднийг нэвтрүүлсний дараа бүгдийг нь тусгаарлана. Монголын хилээр давсан иргэдийн тоо 62 мянгыг давсан. Харин 8498 иргэнийг зохион байгуулалттайгаар татан авсан. Зүүн Өмнөд Азийн чиглэлд хэрхэн иргэдээ авах талаар судалж байгаа ” гэлээ.

Төлөвлөгдөж буй нислэгүүд

• Сөүл-Улаанбаатар Хүсэлт гаргасан- 1820
• Токио-Улаанбаатар Хүсэлт гаргасан- 1276
• Зүүн Өмнөд Ази Хүсэлт гаргасан- 417